Cisco: Aldaǵy 5 jylda 5,4 mlrd adam uıaly telefondy qoldanady
ASTANA. QazAqparat - Cisco kompanııasy uıaly baılanys trafıginiń aldaǵy 5 jylda damýyna boljam jasady. Boljamǵa sensek 2020 jyly jer betinde 5,4 mlrd adam uıaly telefondy qoldansa, turaqty elektr qýaty tek 5,3 mlrd adamǵa qoljetimdi bolady.
Cisco sarapshylary bes jyldan soń uıaly baılanys trafıgi 9 esege ósip - aıyna 44-ten 366,8 eksabaıtqa ulǵaıady (1 eksabaıt - mıllıon terabaıtqa teń) dep kútýde. Bul Instagramdaǵy 81 trln jazbaǵ, YouTube vıdeohostıngindegi 7 trln vıdeoǵa teń. Uıaly baılanys arqyly derekter almasýdyń ortasha jyldamdyǵy 6,5 mbıt/s-ke artady, oǵan 4G (LTE) jelisiniń taralýy men baılanys jelisiniń besinshi býyny - 5G áserin tıgizedi.
Boljamda ınternetke qosylǵan qurylǵylar sany 2016 jyldyń sońynda 5 mlrd bolsa, 2020 jyly - 25 mlrd-qa jetpek.
