Tsırk haıýanattary men qatysýshylarynyń kavalkadasy 6 kún boıy ótedi
ASTANA. 28 maýsym. QazAqparat - Kavalkada - «Azııa jańǵyryǵy» tsırk óneri halyqaralyq festıvaline qatysýshy haıýanattar men ártisterdiń merekelik sherýi.
Sherý «Astanalyq tsırktiń» úrmeli aspaptar orkestriniń súıemeldeýimen astana kóshelerinde 30 maýsym men 5 shilde aralyǵynda ótedi. Bastalýy saǵat 17.00 men 19.00.
«Báıterek» baspasóz ortalyǵynyń taratqan málimetinshe, Sherý Tsırk - Saryarqa dańǵyly - Bógenbaı batyr dańǵyly - Respýblıka dańǵyly - Qabanbaı batyr dańǵyly - Tsırk baǵyty boıynsha júredi.
