Tsırk áleýmettik az qamtylǵan otbasy balalaryna jańa qoıylym tartý etti
Tsırk dırektory Arman Álıevtiń aıtýynsha, bul jolǵy qoıylymnyń ereksheligi - zamanaýı personajdarǵa arnalǵan. Baǵdarlama akrobattardyń túrli kúrdeli qıyn nomerlerimen ashylady. Munan soń áıgili kıno akterlardyń beınesi de baǵdarlamada erekshe somdaldy. Tsırk manejinde birneshe obraz dybys pen jaryqty qatar úılestirý arqyly qoıylǵan. Arenadaǵy ár túrli sıýjetter kórermenderge erekshe áser qaldyryp, qorqynysh pen úreıli nomerler kópshilikti tańdaı qaqtyrdy.
Shoýdyń taǵy bir ereksheligi - shaman obrazyndaǵy atty-akrobatıkalyq toptyń kórsetken óneri boldy. Atalǵan top attyń ústinde túrli qımyldardy erekshe kórsetý arqyly búldirshinderdiń kóńilinen shyqty. Balalar qoıylym barysynda, sondaı-aq aqyldy arystandardyń, úıretilgen kúshikterdiń, áýe gımnastarynyń ónerin tamashalady. Baǵdarlamada jańa nomerlerdiń de tusaýy kesildi.
Tsırk artısteri qorqynyshty, kúrdeli nomerlermen kórermenderdi tań qaldyryp, kóńildi kloýndar arenany kúlkige qaryq qyldy. Shyǵarmashylyq ujymnyń tynymsyz eńbegi men tyń izdenisteriniń arqasynda shoý baǵdarlama kórermenniń kóńilinen shyǵa bildi.
«Ártisterdiń daıyndyǵy jáne kıim úlgilerimen biz uzaq ýaqyt daıyndaldyq. Madagaskar elindegi pıngvınderdiń obrazyn akrobat jigitterimiz shapshań oryndap, halyqtyń qoshemetine bólenip jatty. Bul biz úshin úlken mártebe. Bolashaqta da jańa izdenisterimizben qýantamyz degen úmittemin», - dedi Shymkent tsırkiniń dırektory Arman Álıev.
Aıta óteıik, merekelik qoıylymda jan-janýarlardan bólek, 40-tan asa adam óner kórsetti. Bıyl Shymkent tsırkiniń ashylǵanyna 7 jyl tolyp otyr.