Cırııadaǵy qaqtyǵysta batys aýyr soqqy aldy - Reseı ıslam komıtetiniń tóraǵasy
ALMATY. 25 qarasha. QazAqparat - Sırııa máselesinde ıslam álemi ekige jarylyp otyr. Bul týraly Bishkekte ótken «Ortalyq Azııadaǵy ıslamnyń oıanýy úderisi aıasyndaǵy zııatkerlik bastama» dep atalatyn halyqaralyq konferentsııada aıtyldy.
«Sırııa - qarama-qarsy eki ǵalamdyq júıeniń toǵysqan jeri bolyp otyr. Ondaǵy eki taraptyń da negizgi oıynshylary ıslamǵa qarsy. Sondyqtan ondaǵy musylmandar álemdik qos oıynshynyń óz yqpal aımaǵyn keńeıtýge baǵyttalǵan soǵysynyń qurbany bolyp otyr», - dedi Reseı ıslam komıtetiniń tóraǵasy Geıdar Jemal. Onyń aıtýynsha, Sırııadaǵy qaqtyǵysta batys aýyr soqqy aldy. Bul úderis zamanýı álemdik júıeniń ádiletsiz qurylǵanyn kórsetti jáne onyń álsireýine jol ashyp otyr.
