Tsıklon saldarynan Madagaskarda myńdaǵan adam evakýatsııalandy
ANTANANARIVÝ. QazAqparat – Madagaskardyń shyǵys jaǵalaýynda tropıkalyq tsıklon saldarynan kem degende bir adam qaza tapty, dep habarlaıdy QazAqparat BBC News-ke silteme jasap.
Buǵan jeıin aral memleketinde tropıkalyq daýyl turyp, 33 adam qaza bolyp, myńdaǵan adamdy baspanasyz qalǵan bolatyn. Birneshe apta ótken soń elge «Freddı» tsıklony jetip otyr. Qazir aralda mektepter jabyq, kólik qozǵalysy toqtap tur.
Buǵan deıin «Freddı» tsıklony Mavrıkııaǵa zalal keltirip, jaǵalaý mańyndaǵy qonyqúıler sý astynda qalǵan edi.
Úndi muhıtyndaǵy aral memleketine tsıklondar jıi tónedi. BUU gýmanıtarlyq máselelerdi úılestirý basqarmasynyń málimeti boıynsha, eldi jyl saıyn orta eseppen 1,5 tsıklon basyp qalady. Bul Afrıkadaǵy eń joǵary kórsetkish.
«Freddı» tsıklonynyń kúshi Afrıkanyń ońtústik-shyǵys jaǵalaýynda ornalasqan Madagaskarǵa jaqyndaǵan kezde azdap álsiregen, jeldiń ekpini 130 km/saǵ-tan asty. Eldiń meteorologııalyq qyzmeti nóser jaýatynyn eskertti.
«Túnde jaǵalaý mańyndaǵy aýdandardy sý basý qaýpi bar», - delingen habarlamada.
Resmı tulǵalardyń aıtýynsha, 27 jastaǵy er adam Mahanoro portyna jaqyn mańda sýǵa batyp ketken.
Bılik sonymen qatar jaǵalaý aımaǵynan 7 myń adam evakýatsııalanǵanyn aıtty.
Halyqaralyq Qyzyl Krest federatsııasy tsıklon týdyrǵan tolqyndardyń bıiktigi 8 metrden asýy múmkin ekenin eskertti.
Foto: WFP
