Tsıklon QR-na jaýyn-shashyn, burqasyndar men kóktaıǵaq ákeledi - 28 naýryzǵa arnalǵan aýa raıy boljamy
ASTANA. 27 naýryz. QazAqparat - Qazaqstan aýmaǵynyń kóptegen bóligi 28 naýryz kúni tsıklonnyń yqpalynda bolyp, onymen birge jaýyn-shashynnyń túsýi, jeldiń kúsheıýi kútiledi, jekelegen aýdandarda burqasyndy jel,
tuman, kóktaıǵaq bolady dep kútilýde. Respýblıkanyń ońtústik-shyǵysynda jaýyn-shashynsyz aýa raıy kútiledi, dep habarlaıdy Qazgıdrometke silteme jasaǵan QR TJM-niń baspasóz qyzmetinen.
Qostanaı oblysynda 15-20 m/s jyldamdyqpen jel soǵyp, keıbir jerlerde tuman, kóktaıǵaq, burqasyn bolady dep kútilýde.
Atyraý, Qyzylorda, Jambyl oblystarynda - keıbir jerlerde tuman bolyp, 15-20 m/s jyldamdyqpen jel soǵady.
Soltústik Qazaqstan oblysynda keıbir jerlerde kóktaıǵaq, 17-22 m/s jyldamdyqpen jel bolady dep kútiledi.
Qaraǵandy, Aqmola, kúndiz Ońtústik Qazaqstan, Pavlodar, Shyǵys Qazaqstan oblystarynda keıbir jerlerde jeldiń sekýndyna 15-20 metr jyldamdyqpen soǵýy kútilýde.
Aqtóbe oblysynda - keıbir jerlerde tuman, kóktaıǵaq, jeldiń 15-20 m/s jyldamdyqpen soǵýy kútiledi.
Batys Qazaqstan oblysynda keıbir jerlerde burqasyn, kóktaıǵaq, túnde keıbir jerlerde 15-20 m/s jyldamdyqpen jel soǵady.
Mańǵystaý oblysynda - túnde keıbir jerlerde tuman túsedi.
Almaty oblysyndaǵy Alakól kólderiniń aýdanynda jeldiń sekýndyna 18-23 metrge deıin kúsheıýi kútiledi.
Jaqyn táýlikterde Syrdarııa ózeninde, Almaty oblysynyń ózenderinde, Shyǵys Qazaqstan oblysynyń jekelegen shaǵyn ózenderinde muz qursaýynyń bosaýy men erýi kútilip otyr. Shyǵys Qazaqstan oblysynyń shaǵyn ózenderi men jylǵalarynda betkeılik aǵystardyń kúsheıýi, sý deńgeıleriniń kúrt kóterilýi, bul rette tasqyndar men topan sý basýy múmkin. Respýblıkanyń ońtústik, ońtústik-shyǵys jáne shyǵysyndaǵy ózenderde sý deńgeıleriniń aýytqýlary baıqalady. Oraldyń saǵasy men ShQO-nyń jekelegen ózenderinde kóktemgi úrdister jalǵasyp jatyr.
