Tsıklon Qazaqstannyń batysyna jaýyn-shashyn men tuman ákeledi - 6 jeltoqsanǵa arnalǵan aýa raıy boljamy
ASTANA. 5 jeltoqsan. QazAqparat - Qazaqstan aýmaǵynyń kóptegen bóligine 6 jeltoqsanda antıtsıklon taramy áser etip, munda jaýyn-shashynsyz aýa raıy kútiledi, túngi jáne tańerteńgi ýaqyttarda keıbir jerlerde tuman túsedi.
Qazaqstannyń batys aımaqtary ǵana tsıklon yqpalynda bolyp, munda keıbir jerlerde jaýyn-shashyn, tuman kútiledi, dep habarlaıdy Qazgırometke silteme jasaǵan TJM-niń baspasóz qyzmetinen.
Almaty oblysynda túnde jáne tańerteń keı jerlerde tuman túsedi, Jalańashkól aýdanynda 20-25 m/s jyldamdyqpen soǵatyn jel saqtalady, kúndiz jel ekpini 30 m/s asady.
Shyǵys Qazaqstan, Aqtóbe oblystarynyń birqatar aımaqtarynda jel 15-20 m/s deıin kúsheıedi.
Jambyl, Mańǵystaý, Atyraý oblystarynda keıbir jerlerde tuman túsip, 15-20 m/s jyldamdyqpen jel soǵady.
Qostanaı oblysynda jekelegen aımaqtarda kóktaıǵaq bolady, túnde jáne tańerteń tuman túsip, 18 m/s jyldamdyqpen jel soǵady.
Aqmola oblysynda keı jerlerde tuman, kóktaıǵaq bolady.
Soltústik Qazaqstan oblysynyń birqatar aımaqtarynda tuman túsip, kúndiz jeldiń kúshi 15-20 m/s deıin jetedi.
Batys Qazaqstan, Ońtústik Qazaqstan, Qyzylorda, Qaraǵandy oblystarynda keıbir jerlerde tuman túsedi.
Aldaǵy táýlikte Qazaqstannyń soltústik, ortalyq, shyǵysynda jáne Almaty oblysynyń jekelegen ózenderinde muz qatý jalǵasady. Shyǵys Qazaqstan jáne Almaty oblysynyń jekelegen ózenderinde sý deńgeıiniń aýytqýy baıqalady.
