Tsıklon Qazaqstanǵa jaýyn-shashyn alyp keledi, sý tasqyny bolýy yqtımal - 15 naýryzǵa arnalǵan aýa raıy boljamy
ASTANA. 14 naýryz. QazAqparat - Erteń Qazaqstannyń basym bóligi tskılonnyń yqpalynda bolady, soǵan baılanysty jaýyn-shashyn bolyp, jekelegen aýdandarda nóserli jańbyr jaýyp, jel kúsheıedi, tuman túsip, kóktaıǵaq ornaıdy dep kútilýde, dep habarlady TJM-niń baspasóz qyzmeti Qazgıdrometke silteme jasaı otyryp.
Tek elimizdiń batys óńirleri antıtsıklonnyń yqpalynda bolady, aýa raıy jaýyn-shashynsyz bolady.
Aqmola, Qaraǵandy, Qostanaı, túnde Soltústik Qazaqstan oblysynda keı jerlerde tuman túsedi, kóktaıǵaq ornap, 15-20 m/s-qa deıin jel kúsheıedi, Qostanaı oblysynda keı jerlerde azdaǵan qarly burqasyn bolady. Jambyl, Batys Qazaqstan oblystarynda keı jerlerde tuman túsedi, Jambyl oblysynda 15-20 m/s jyldamdyqpen jel soǵady.
Almaty, Atyraý oblystarynda túnde tuman túsedi, kúndiz 15-20 m/s jyldamdyqpen jel soǵady, Atyraý oblysynda keı jerlerde kóktaıǵaq bolady. Aqtóbe, Mańǵystaý oblystarynda tuman túsedi, Aqtóbe oblysynda keı jerlerde kóktaıǵaq bolady. Ońtústik Qazaqstan, Shyǵys Qazaqstan oblystarynda keı jerlerde 15-20 m/s jyldamdyqpen jel soǵady. Pavlodar oblysynda kóktaıǵaq ornaıdy, jeldiń ekpini 15-20 m/s-ty quraıdy.
Aldaǵy táýlikte Ońtústik Qazaqstan, Jambyl jáne Almaty oblystarynyń jekelegen ózenderinde kútilip otyrǵan erigen qar men jańbyr sýynyń jınalýyna baılanysty sý tasqyny bolýy yqtımal.
Kútilip otyrǵan nóserli jańbyrǵa jáne qardyń erýine baılanysty Shyǵys Qazaqstan oblysynyń ózenderi men jylǵalarynda sý deńgeıiniń kóterilýi yqtımal.
