«Tsıfrlyq jer qoınaýy» derekter qory 2023 jyly iske qosylady - Baǵdat Mýsın
«Memleket basshysy atap ótkendeı, tsıfrlandyrý boıynsha keıbir salalarda kedergiler bar, máselen, geologııalyq baza, jer qoınaýyn paıdalanýshylarmen qarym-qatynas, densaýlyq saqtaý salasyndaǵy qaǵazbastylyq pen bıýrokratııa. Osyǵan oraı, mınıstrlik quzyretti memlekettik organ retinde osy salalardaǵy tıisti jobalardy tehnıkalyq turǵydan júzege asyrýdy óz basqarýyna alady. Jalpy búgin úsh jyldyq kelisimshart bekitý múmkindigin beretin Zań jobasyna qol qoıyldy», - dedi B. Mýsın Úkimet úıinde ótken otyrysta.
Sondaı-aq, mınıstrdiń aıtýynsha, jyl sońyna deıin aqparattyq júıelerdi qurý ýaqyty 6 aıǵa deıin qysqartylady.
«Memlekettik organdarǵa qosymsha resýrs beretin bult ınfraqurylymy 2023 jyldyń ortasynda iske qosylady jáne árbir sala boıynsha tsıfrlyq strategııa ázirlenip, bekitiledi. Geologııalyq bazany qurý boıynsha, Kaz-Nedra platformasy kontseptsııasy maquldanyp, bıylǵy mamyr aıynda iske asyrý tapsyryldy. Qazir 48 bıznes-protsestiń reınjınırıngi júrgizilip, olardy bekitý jumysy salalyq memlekettik organdarda pysyqtalyp jatyr. Tehnıkalyq turǵydan iske asyrýdy óz qolymyzǵa alyp, birqatar modýlderdi, onyń ishinde jeke kabınet, ınteraktıvti karta, lıtsenzııalarǵa tapsyrys berý jáne t.b. qyzmetter jyl sońyna deıin qoljetimdi bolady. Al «Tsıfrlyq jer qoınaýy» derekter qory 2023 jyldyń birinshi jartyjyldyǵynda iske qosylady», - dep túsindirdi Baǵdat Mýsın.
Keshe Prezıdent Qasym-Jomart Toqaev Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń Ulttyq derekter bankin qurý baǵytyndaǵy jumysyna qanaǵattanbaıtynyn aıtyp, eskertý jasaǵan edi.