Tsıfrlyq teńgeni engizý sheshimi jyl sońyna deıin qabyldanady
«Tsıfrlyq teńgeni engizýde aýqymdy sharýany qolǵa aldyq. Osy maqsatta halyqaralyq valıýta qory jáne damyǵan elderdiń ortalyq bankterimen tyǵyz áriptestikte jumys istep jatyrmyz. Taıaýda ǵana bizdiń komanda Vashıngtonǵa baryp, halyqaralyq valıýta qory ókilderimen kezdesip ótkizip, atqarylǵan jumys pen josparymyzdy tanystyrdyq», - dedi Ǵalymjan Pirmatov Ulttyq bankte ótken baspasóz máslıhatynda.
Onyń aıtýynsha, tsıfrlyq teńgege qatysty sheshilýi tıis tehnıkalyq tustary bar.
«Bıyl 1 shildege deıin tsıfrlyq teńgeni engizýdiń metodıkasy bekitemiz. Al jyl sońyna deıin naqty engizý týraly sheshim qabyldaıtyn bolamyz. Atalǵan sheshimdi qabyldaýda tehnıkalyq oryndaý ýaqytty talap etedi. Degenmen jyl aıaǵyna deıin sheshimin tabady. Bul baǵyttaǵy jumys jalǵasyp jatyr», - deıdi ol.
Eske sala ketsek, ótken jyly Prezıdent Qasym-Jomart Toqaev bolashaq qarjy júıesiniń negizine aınalýy múmkin tsıfrlyq teńge engizý máselesin qarastyrǵan jón ekenin aıtqan edi .