Tsıfrlyq teledıdarǵa qalaı qosylýǵa bolady
Onyń aıtýynsha, qazirgi ýaqytta paıdalanýǵa berilgen radıotelevızııalyq stantsııalardyń jalpy sany - 546 birlik, olar el turǵyndarynyń 91% - dan astamyn qamtıdy. Búkil el boıynsha analogtyq telehabar taratýdy 100% óshirý úshin 827 radıotelevızııalyq stantsııany salý jáne jańǵyrtý qajet.
Tsıfrlyq efırlik telehabar taratýdyń kómegimen tek otandyq qazaqstandyq teleradıo arnalar ǵana kórsetiledi, bul rette halyq úshin tegin.
«Tsıfrlyq efırlik telehabar taratý tehnologııasyn eskere otyryp, oblys ortalyqtary deńgeıinde turǵyndarǵa standartty anyq 30 telearnaǵa deıin, oblys ortalyǵynan tómen 15 arnaǵa deıin, al analogtyq habar taratý kezinde tıisinshe 10 jáne 4 arna qoljetimdi. Sondaı – aq, analogtyq habar taratý kezinde shý, jaryqshaq, «qardyń» saldarynan jıi kedergiler baıqalady, al tsıfrlyq habar taratýda - sýret pen dybys tunyq bolady», - dedi ol.
Atap ótetin jaıt, tsıfrlyq telehabar taratý joǵary sapaly keskin men dybysty alýǵa múmkindik beredi, sonymen qatar arnalar men baǵdarlamalardyń úlken tańdaýyn usynady. Eski úlgidegi sıgnal syrtqy áserlerge óte osal, mysaly, aýa-raıynyń qolaısyzdyǵyna baılanysty jáne qatty jelde joǵalyp ketýi múmkin. Sandyq habar taratý joǵary qorǵanys deńgeıine jáne sıgnal sapasyna ıe, ol uzaq qashyqtyqta qabyldanady.
Ol analogtyq habar taratý prıntsıp boıynsha jumys isteıdi: bir taratqysh – bir arna. Tsıfrlyq habar taratý bir taratqyshta kóptegen arnalardy taratýǵa múmkindik beredi.
«Tsıfrlyq efırlik teledıdarǵa qosylý qıyn emes. Sandyq qabyldaǵyshtardy satyp alý qajet. Olardy satyp alý qoljetimdi - Almaty men Almaty oblysyndaǵy 100-ge jýyq saýda núktesi bar. Qabyldaǵyshtyń quny-shamamen 4 myń teńge jáne antennasy 1,5 myń teńge. Eger teledıdarlar jańa bolsa (2016 jyldan bastap) - onda olarǵa tsıfrlyq qabyldaǵyshtar ornatylǵan, tek antennany qosý kerek», - dep túsindirdi Qaısar Razdykov.
Tsıfrlyq efırlik teledıdardy kórý úshin abonentter tek teledıdardyń DVB-T2 standartyna keletin-kelmeıtinin tekserýi kerek, bul jaǵdaıda detsımetrlik antennany satyp alyp, ony teledıdarǵa qosý kerek. Eger teledıdarlar DVB-T2 standartyn qoldamasa, abonentter DVB-T2 tsıfrlyq sıgnal qabyldaǵyshyn jáne detsımetrlik antennany satyp alýy kerek.
«2017 jyldan bastap Almaty qalasynda AÁK alýshylar televızııalyq abonenttik tirkemelermen tegin qamtamasyz etilýde. 2021 jylǵa jalpy somasy 1 100 myń teńgege 100 AÁK alýshyny qamtamasyz etý josparlanǵan. AÁK alýshy tirkemelerdi (prıstavka) alý úshin turǵylyqty turatyn jeri boıynsha Almaty qalasy áleýmettik ál-aýqat basqarmasynyń aýdandyq bólimderine ótinish berip, onyń AÁK alýshy ekendigi týraly anyqtamany qosa berýi qajet»,-dep qortyndylady spıker.
Buǵa deıin, 1 aqpannan bastap Almaty tolyǵymen tsıfrlyq telehabarǵa kóshetini týraly jazǵan bolatynbyz.