Tsıfrlyq sot taldaýy engiziledi
«ІT-tehnologııa azamattardyń konstıtýtsııalyq quqyqtary men erkindigin tıimdi ári jedel qorǵaýǵa múmkindik beredi. Sot tóreligi adamdar men bıznes úshin barynsha qoljetimdi ári ashyq bola tústi. Sót tóreligin tsıfrlandyrý jaıynda aıtar bolsaq, birinshiden, koronavırýs pandemııasy sottardyń jumysyna túzetý engizdi. Jedel túrde protsess qatysýshylarynyń qaýipsizdigi men sot tóreligine qoljetimdilikti qamtamasyz etý arasyndaǵy teńgerimdi tabý qajet boldy. Osy oraıda naqty oń tustar da bar. Sot júıesin tsıfrlandyrý jedeldep, beınekonferentsbaılanysynyń qosymsha utqyr serverleri ornatyldy. Baılanys arnalarynyń ótkizý qabileti artty. Bul sottarǵa qashyqtan jumys isteý formatyna kóshýge múmkindik berdi», - dedi ol «Jasandy ıntellekt jáne sot pen quqyq qorǵaý júıesindegi úlken derekter: shyndyq jáne ýaqyt talaby» atty halyqaralyq ǵylymı-tájirıbelik konferentsııa barysynda.
Onyń atap ótýinshe, qazirgi ýaqytta sot otyrystaryn qalypty rejımde ótkizýge shekteýdiń joqtyǵyna qaramastan onlaın formatqa suranys áli de joǵary.
«Ekinshiden, barlyq sot qyzmetterine biryńǵaı elektrondy tereze arqyly qoljetimdilik bar. Kez kelgen gadjetten mobıldik qosymsha arqyly sottarǵa 100-den astam elektrondy ótinim jiberýge bolady. Ótinimniń tirkelgenin qashyqtan kórip, onyń márbesin bilýge jáne sot aktisin alýǵa múmkindik jasalǵan.
Úshinshiden, sot otyrystarynyń barlyq zaly zamanaýı aýdıo jáne beınetirkeý júıesimen jabdyqtalǵan. ІT-servıster adamdardyń sottarmen ózara is-qımyl júıesin ózgertip, munan ary ilgerileýge múmkindik berdi. Bizdiń jańa ІT ónimimiz – bul tsıfrlyq sot taldaýy. Ol birkelki sot tájirıbesin qalyptastyrýǵa kómektesedi. Onda alǵash ret jasandy ıntellekt elementteri qoldanylady», - dedi Aslambek Merǵalıev.
