Tsıfrlyq sheshimder departamentiniń basshysy Ashyq qosymshasy týraly: Biz eshkimdi ańdymaımyz

NUR-SULTAN. QazAqparat - QR Tsıfrlyq damý, ınnovatsııalar jáne aeroǵarysh ónerkásibi mınıstrligi Tsıfrlyq sheshimder departamentiniń dırektory Bolatbek Moldabekov Ashyq qosymshasy týraly aıta kele, qalyń jurtqa jeke málimetterdiń tekserilmeıtinin taǵy da eskerti, dep habarlaıdy QazAqparat tilshisi.

«Biz Ashyq qosymshasyn barynsha qarapaıym etip jatyrmyz. Azamattardyń jeke málimetteri úshin ýaıym alaǵdaıtynyn da túsinemiz. Halyq arasynda azamattardy jeke málimetteri arqyly ańdyp, tekseredi degen qaýeset bar, osy oraıda taǵy bir aıtyp ótkim keledi, biz eshkimdi ańdymaımyz. Ashyq qosymshasy arqyly kimniń qaıda barǵany bizge qajet emes, bizge keregi ol kisiniń «COVID-19»-ǵa qatysty mártebesi. ıAǵnı júıede basqa málimetter saqtalmaıdy», - dedi Bolatbek Moldabekov tilshilerdiń atalǵan qosymshanyń jumysyna qatysty suraqtaryna jaýap bere turyp.

Buǵan deıin atalǵan departament basshysy, el kóleminde 2,5 myńnan astam adamnan Ashyq qosymshasy arqyly «qyzyl» mártebe anyqtalǵanyn málim etken bolatyn.

Sondaı-aq, mınıstrlik ókili Ashyq qosymshasynda oryn alǵan tehnıkalyq aqaýdyń sebebin túsindirip, endigi ýaqytta atalǵan júıe qyzmetiniń «Ulttyq aqparattyq tehnologııalar» AQ-na berilgenin aıtty.

Odan bólek, B. Moldabekov Ashyq qosymshasynyń vaktsına pasportymen qalaı biriktiriletini týraly da aıtyp ótti.