Tsıfrlyq saýattylyq mektebi, jańa aýlalar men sport alańdary qoljetimdi bolýy tıis - Saǵyntaev
Qala ákimi Instagram paraqshasynda turǵyndardyń áleýmettik, bilim jáne sport nysandarynyń qoljetimdi bolýy alańdatatynyn aıtty.
«M.Áýezov aýdanynyń qaraýsyz jatqan skverler men kósheler boıyndaǵy ýchaskelerinde bıyl 10 sport alańy salynsa, taǵy 50-i aýlalardy jóndeý kezinde boı kóterdi. Balalarynyń sportpen shuǵyldanatynyna máz bolǵan turǵyndar budan bylaı balalar úshin alańsyz ekendikterin aıtyp jatyr. Túrli jekpe-jek pen sporttyń oıyn túrlerinen tegin sektsııalar ashylyp, jumys istep jatyr», — dep jazdy B. Saǵyntaev.
Ákim elab.asia bilim ortalyǵynda 115 kýrsta tsıfrlyq saýattylyq boıynsha sabaq ótetinin, onyń ishinde kıberqaýipsizdik, baǵdarlamalaý men robottehnıkasy da bar ekenin aıtty.
«Qalaǵa qajet birlesken oqý jobalaryn júzege asyrý múmkindigin qarastyramyz. Aýdannyń jastar resýrstyq ortalyǵynda keńester berilip, volonterlik jumystar uıymdastyrylady», - dedi qala ákimi.
Qarqyn.ala qaıyrymdylyq jobasy muqtaj jandarǵa kómek kórsetýge baǵyttalǵan. «Baqytty otbasy», Іsker ana baǵdarlamalary - kópbalaly analarǵa kómektesýge baǵyttalǵan áleýmettik jobalar.
«Túrli qoldaý tetikteriniń arqasynda olar ózderin qamtamasyz etip, jańa jumys oryndaryn quryp, óz isterin dóńgeletip otyr», - dedi megapolıs ákimi.
Eske salsaq, Almaty qalasynyń ákimi Baqytjan Saǵyntaev abattandyrý, áleýmettik jáne ınjenerlik ınfraqurylymdy salý jónindegi máselelerdiń sheshilý barysyn tekserý maqsatynda aýdandarǵa jumys saparymen shyǵyp júr. Buryn halyqpen esep berý jáne jumys kezdesýlerinde osy máseleler aıtylǵan bolatyn.
Buǵan deıin ol Alataý, Medeý aýdandarynda boldy. Jobalar «Jańa Almaty» keshendi jospary aıasynda «Shetsiz qala» qaǵıdatyna sáıkes «Jumyspen qamtýdyń jol kartasy», «Bıýdjetke qatysý» baǵdarlamalary boıynsha júzege asyrylyp jatyr.