Tsıfrlyq Qazaqstan: Pavlodar oblysynda 1 mlrd 484 mln teńge ıgerildi
Pavlodar oblystyq Indýstrııalyq-ınnovatsııalyq damý basqarmasy basshysynyń orynbasary Kenjebek Azatbekov Óńirlik kommýnıkatsııalar qyzmetinde ótken baspasóz máslıhatynda málim etkendeı, onyń ishinde 390 mln teńge - bilim berý, 890 mln teńge - turǵyn úı-kommýnaldyq sharýashylyǵy jáne 203,5 mln teńge kólik salalaryna baǵyttalǵan.
«Densaýlyq saqtaý salasynda medıtsınalyq uıymdardyń jeke qarjysy esebinen júrgiziledi. Óńirde «Tsıfrlyq Qazaqstan» memlekettik baǵdarlamasy úshinshi jyl júzege asyrylýda. Bıyl tsıfrlandyrý salasynda ortalyq quzyrly organ QR-nyń «Aqyldy qalalary» standartyn bekitti. Bul qujat «Aqyldy qalalardy» 11 baǵyt boıynsha qamtıdy», - deıdi Kenjebek Azatbekov.
Onyń aıtýynsha, qoldanystaǵy basym baǵyttardyń qataryna ekologııa, týrızm, qurylys, ınklıýzıvti qoǵamdaǵy ómir, qalany basqarý jáne aýyl sharýashylyǵyn júrgizý baǵyttary engizilgen.
Aımaqta tsıfrlandyrý bilim berý, densaýlyq saqtaý, TÚKSh, kólik jáne qaýipsizdik baǵyttary boıynsha júrgizilýde. 2018 jyly ár baǵytqa Jol kartalary bekitilip, jaýapty salalyq basqarmalar, qala jáne aýdan ákimdikteri tańdalǵan. Jobalardy engizýden jalpy ekonomıkalyq tıimdilik 618 mln teńgeni quraǵan. Bul somadan 548 mln teńge densaýlyq saqtaý salasyna, 28 mln teńge bilim berý salasyna jáne 42 mln teńgesi TÚKSh salasyna tıesili.