«Tsıfrlyq Qazaqstan»: Qylmystyq ister elektrondyq formatta ashylýda
Bul týraly «Antikor Live» jobasy aıasynda ótken tikeleı efır barysynda sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń basshysy Murat Ahmetov aıtty.
«Tsıfrlyq Qazaqstan» memlekettik baǵdarlamasyn iske asyrý sheńberinde Bas prokýratýra elektrondyq qylmystyq is júıesin jolǵa qoıyp, modýlin ázirledi, ol aqparattyq sot júıesimen biriktirildi. Qazirgi ýaqytta bizdiń departamenttiń barlyq tergeýshileri osyndaı isterdi tergeý úshin qajetti jabdyqtarmen tolyq qamtamasyz etilgen. Jyl basynan beri biz elektrondyq formatta 16 qylmystyq isti tirkedik, olardyń beseýi negizderdiń bolmaýynan toqtatyldy, qalǵany óndiriste. Jaqyn arada olardyń jeteýi sotqa ketedi», - dedi Murat Ahmetov.
Jyl basynan beri 55 quqyq buzýshylyq tirkeldi, onyń ishinde paraqorlyq - 33, urlyq - 12, laýazymdyq ókilettikterin teris paıdalaný - 5.
Tikeleı efır barysynda Murat Ahmetov sybaılas jemqorlyq quqyq buzýshylyq faktisi týraly habarlaǵan adamdardy yntalandyrý erejeleri týraly habarlady. Onyń aıtýynsha, adamdar buǵan belsendi qatysyp, sybaılas jemqorlyq faktileri týraly habarlap otyrady.
«Kóptegen elder osy júıeni qoldanady. Sybaılas jemqorlyq faktisi týraly habarlaǵan adamdar para nemese zalal somasynyń 10% alady. Eń joǵarǵy soma tórt myń AEK-ti quraıdy jáne qylmystyń aýyrlyǵyna baılanysty bolady. 2020 jyly Almatynyń sybaılas jemqorlyqqa qarsy qyzmeti 3,5 mln teńgege 19 turǵyndy marapattasa, bıyl úsh adam 600 myń teńgeden astam somaǵa marapattaldy», - dedi spıker.