Tsıfrlyq Qazaqstan: Qostanaı oblysy baǵdarlamany iske asyrýǵa 3,5 mlrd teńge bóldi

QOSTANAI. QazAqparat – Qostanaı oblysynda «Tsıfrlyq Qazaqstan» memlekettik baǵdarlamasynyń oryndalýyna 3,5 mlrd teńge qarajat bólindi, dep habarlaıdy QazAqparat oblys ákiminiń baspasóz qyzmetine silteme jasap.

Oblys ákimdiginde ótken jıynda «Tsıfrlyq Qazaqstan» memlekettik baǵdarlamasyn iske asyrý máseleleri talqylandy. Keńeske QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń ókilderi beınebaılanys arqyly qatysty.

«Bizdiń oblys tsıfrlandyrý jobalary boıynsha respýblıkadaǵy úzdikterdiń biri sanalady. Osy arqyly ekonomıka salasy edáýir serpin aldy. Osy jyly tsıfrlyq jobalardy iske asyrýǵa bıýdjetten 3,5 mlrd teńge bólindi. Baǵdarlama aıasynda 13 baǵyt boıynsha tsıfrlandyrýdyń jol kartasy ázirlendi. Aýyl sharýashylyǵy, ónerkásip, bilim berý, densaýlyq saqtaý, áleýmettik sala, qurylys, TKSh, kólik, ekologııa, qalalyq basqarý, ShOB, týrızm jáne qaýipsizdik salalaryna nazar aýdarylady. Baǵdarlamany keshendi túrde iske asyramyz», - dedi oblys basshysy Arhımed Muhambetov.

Keńes qorytyndysynda QR Tsıfrlyq damý, ınnovatsııalar jáne aeroǵarysh ónerkásibi mınıstrligi men Qostanaı oblysy jobalardy birlesip jasaý týraly sheshim qabyldady.