«Tsıfrlyq Qazaqstan» baǵdarlamasyn júzege asyrýdyń jańa joldary qarastyryldy
«Tsıfrlyq Qazaqstan» memlekettik baǵdarlamasy jobalaryn júzege asyrýǵa jaýapty ulttyq kompanııalar ókilderi jáne vıtse-mınıstrlerdiń qatysýymen brainstorming (kúrdeli tapsyrmalardy sheshý úshin adamdardyń birlesken tvorchestvolyq jumysyn uıymdastyrý tásili - avt.) ótkizildi.
Sharada #digitalkazakhstan baǵyttary aıasyndaǵy ıdeıalar usynylyp, KPI anyqtaldy, sondaı-aq merzimder belgilendi. Shara qorytyndysy boıynsha barlyq salalar boıynsha qyzyqty ári ózekti ıdeıalar iriktep alyndy», dep jazdy Asqar Jumaǵalıev.
Onyń pikirinshe, ashyq pikirsaıys, jandy tildesý únemi ónimdi nátıjeler beredi. Jıynda áriptester bir-birimen tájirıbesin bólisip, máselelerdiń sheshimderin usynǵan.
Eske sala ketsek, QR Úkimetiniń 2017 jyldyń 12 jeltoqsanyndaǵy qaýlysymen «Tsıfrlyq Qazaqstan» memlekettik baǵdarlamasy bekitildi. Baǵdarlamanyń basty maqsaty - tsıfrlyq tehnologııalardy paıdalaný men damytý arqyly memleket ekonomıkasynyń básekelestigin jáne halyq ómiriniń sapasyn arttyrý.
Jobany júzege asyrý eki jolmen jasalady dep josparlanýda. Olar: ortasha merzimdi keleshekte «Qazirgi ekonomıkany tsıfrlandyrý» jáne uzaq merzimdi keleshekte «Bolashaqtyń tsıfrlyq ındýstrııasyn qurý».