«Tsıfrlyq Qazaqstan» aıasynda bos jumys oryndary kóbeıgen

ASTANA. QazAqparat - Ótken jyly atalǵan baǵdarlamany júzege asyrý barysynda 785 myń bos jumys orny jarııalandy, dep habarlaıdy QazAqparat tilshisi QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

«2018 jyly «Tsıfrlyq Qazaqstan» baǵdarlamasyn júzege asyrý barysynda 785 myń bos jumys orny jarııa etildi. Onyń 351 myńy enbek.kz portalynda ornalassa, qalǵan 433 myńy halyqty jumyspen qamtý ortalyǵy arqyly jarııalandy. Ótken jyly baǵdarlama aıasynda 409 myń adam jumyspen qamtý ortalyǵy arqyly eńbekpen qamtyldy, al 107 myń adam enbek.kz portaly arqyly jumysqa ornalasty», - dep jazylǵan mınıstrliktiń Feısbýk paraqshasynda.

Eńbekpen qamtýda sany jaǵynan kósh bastap turǵan Aqtóbe, Almaty, Jambyl jáne Qaraǵandy oblystary, odan bólek respýblıkalyq mańyzy bar qalalar.