Tsıfrlyq Qazaqstan: Asqar Jumaǵalıevke Atyraýdaǵy aqparattyq-analıtıkalyq júıeler tanystyryldy
Óz sózinde Asqar Jumaǵalıev Joldaý bólimderine jeke toqtaldy jáne olardy júzege asyrý jónindegi sharalar týraly baıandady.
Vıtse-premer jastardyń nazaryn bilim berý jáne ınnovatsııalardy damytý salasyndaǵy múmkindikterge aýdardy. Jáne olardy memleket barynsha qolaıly jaǵdaı jasaǵan kezde belsendi bolyp, óz múmkindikterin paıdalanýǵa shaqyrdy.
Atyraý oblysynyń ákimi Nurlan Noǵaev óz sózinde óńir turǵyndary Elbasy Joldaýynda kórsetilgen mindetterdi júzege asyrý úshin bar kúsh-jigerin jumsaýǵa daıyn ekenin atap ótti.
Jumys sapary barysynda Premer-Mınıstrdiń orynbasary Asqar Jumaǵalıev «Tsıfrlyq Qazaqstan» baǵdarlamasy boıynsha júzege asyrylǵan birqatar jobalarmen tanysty. Sonyń ishinde «Batys tranzıt» JShS-nyń Atyraý qalasyndaǵy jáne qala mańyndaǵy aýyldyq okrýgterde kóshelerdi «aqyldy» jaryqtandyrý jobasy bar.
Asqar Jumaǵalıev atyraýlyq «Bilim-ınnovatsııa» lıtseıinde bolyp, EduPage elektrondy jýrnaly, sandyq kitaphana, tsıfrlyq bilim berý resýrstary, sondaı-aq oqý úderisin tsıfrlandyrý sheńberinde júrgizilgen jumystarmen tanysty.
Aıta ketý kerek, oblystyń orta bilim berý mekemelerinde «Tsıfrlyq Qazaqstan» memlekettik baǵdarlamasyn júzege asyrý boıynsha aýqymdy jumys júrgizilip jatyr. Atap aıtqanda, 12 oblystyq kolledj avtomattandyrylǵan júıege qosylǵan. Kelesi jyly «Qaýipsiz mektep» júıesin engizý josparlanyp otyr, stýdentterdi mektepke qabyldaýdy avtomattandyrý úshin jumys júrgizilýde. Qazirgi kezde 183 mektep elektrondy jýrnal men kúndelik júıesine qosylǵan, 163 balabaqsha joldama berýdiń avtomattandyrylǵan júıesine aýysty.
Budan keıin QR Premer-Mınıstriniń orynbasary Asqar Jumaǵalıev №3 qalalyq emhanada bolyp qaıtty. Ol aqparattyq-analıtıkalyq júıe, emhanalardaǵy elektrondy kezek, sondaı-aq densaýlyq saqtaý sektoryn tsıfrlandyrý úderisimen tanysty, sondaı-aq mobıldi qosymshalarǵa qoljetimdilikti tekserdi.
Ol tsıfrlandyrý medıtsına qyzmetkerleri men medıtsına uıymdary arasynda aqparat almasýǵa jaqsy qoldaý kórsetip otyrǵanyn atap ótti. Densaýlyq saqtaý basqarmasynyń málimetinshe, qazirgi ýaqytta oblystyń 34 medıtsınalyq uıymynda 15 myńnan astam adam qoldanatyn mobıldi qosymsha bar.
Sapardyń sońynda Premer-Mınıstrdiń orynbasary «Embimunaıgaz» AQ bas keńsesinde boldy, onda «Ǵalamdyq ıntellektýaldy alań» pılottyq jobasyn talqylaýǵa qatysty.