Tsıfrlyq Qazaqstan: AÓK-ni qoldaý sharalary birlesip atqarylady
Qujatqa sáıkes, «Tsıfrlyq Qazaqstan» baǵdarlamasy sheńberinde AÓK sýbektilerin memlekettik qoldaýdyń barlyq sharalary endi birlese atqarylmaq, dep habarlaıdy «QazAgro» holdıngi» AQ baspasóz qyzmeti.
Atap aıtqanda, AÓK sýbektileri úshin Qazaqstandaǵy sharýashylyqtar men agroqurylymdardyń qyzmetindegi zań shyǵaratyn ortany taldaý jáne pysyqtaýdy, Holdıngtiń kózdelgen baǵdarlamalary sheńberinde talaptardy ońtaılandyrý, «QazAgronyń» qarjylaı qoldaý baǵdarlamasyn «bir tereze» qaǵıdaty boıynsha Biryńǵaı tsıfrlyq platformaǵa keıinnen ıntegratsııalaı otyryp aýyldaǵy bızneske berý úshin avtomattandyrylǵan júıelerdi ázirleý sekildi birqatar mańyzdy máseleler qamtylatyn bolady.
«QazAgro» holdınginiń Basqarma tóraǵasy Nurlybek Malelovtiń aıtýynsha, memleket pen agrobıznestiń osyndaı ózara áreketteri nátıjesinde aýylsharýashylyq taýar óndirýshileriniń jumysyn jeńildeıdi, sonymen birge aýylsharýashylyq óndirisin tıimdi júrgizýge yqpalyn tıgizedi.
Ulttyq holdıngtiń basshysy «QazAgronyń» Nesıe ótinimderin jınaqtaý jáne óńdeýdiń avtomattandyrylǵan júıesiniń iske qosylǵany jaıly da aıtty. Bul júıe fermerlerge yńǵaıly servıs arqyly naqty ýaqyt rejiminde nesıe jáne lızıng alý úshin qujattardy ótkizýge jáne Holdıngtiń nesıeleýshi kompanııasynyń keńsesine barmaı-aq, olardyń qarastyrylýyn baqylaýǵa múmkindik beredi, ıaǵnı óz ýaqyttary men qarjy shyǵyndaryn birshama qysqartady.
«QazAgro» ulttyq basqarýshy holdıngi» AQ óziniń qurylymyna kiretin kompanııalardyń ınvestıtsııalyq aktıvterin tıimdi basqarý arqyly, Qazaqstannyń agroónerkásiptik keshenin damytý boıynsha memlekettik saıasatty iske asyrady. Holdıngtiń quramyna «QazAgroQarjy» AQ, «Agrarlyq nesıe korporatsııasy» AQ, «Aýyl sharýashylyǵyn qarjylaı qoldaý qory» AQ, «Azyq-túlik kelisim-shart korporatsııasy» ulttyq kompanııasy» AQ, «QazAgroÓnim» AQ, «QazAgroKepil» AQ jáne «QazAgroMarketıng» AQ enedi.