Tsıfrlyq habar taratýǵa kóshý: Bul ne úshin qajet
Endigi kezekte eń qııanda ornalasqan eldi meken turǵyndaryna barlyq memlekettik telearnalar SD - HD formatynda qoljetimdi bolady degen sóz. Aıta keteıik, alǵashqy mýltıplekstegi telearna tizimi SD qalypty jıiliktiń ózinde 15-ke deıin ulǵaıady.
Arna sany úırenshikti 4-5-ten 15-ke deıin artady. Bul artyqshylyqty teledıdardy eski ádis boıynsha, kádimgi úı antennasymen kóretin aýyl turǵyndary birden baǵalaıdy. Oblys ortalyqtary men respýblıkalyq mańyzy bar qala turǵyndary úshin SD formatyndaǵy qanyq keskin jáne anyq dybysy bar telearna sany 30-ǵa jeteqabyl bolady. Arnalar túgel tsıfrlyq keskin men dybys sapasyna ıe. Tsıfrlyq sıgnal berilgen kezde eshqandaı kedergi bolmaıdy.
Túpki maqsat - Qazaqstannyń bútin kontent naryǵynda otandyq telearnalar úlesin arttyrý. Bul rette halyqtyń qazaq jerinde lıtsenzııasy joq bóten elderdiń spýtnıktik kabeldi operatorlarynan birtindep bas tartýy úlken mańyzǵa ıe.
Óıtkeni halyqaralyq talaptarǵa saı sapaly beıne jáne aýdıokontent endi aýyl men qala turǵyndaryna birdeı qoljetimdi. Aıtalyq, «Balapan» jáne «Kazsport» arnalary ár úıdiń tórinde kórsetip tur.
Eldegi aqparattyq qaýipsizdikti kúsheıtý. Kórshi memleketterdiń habar taratý jıiligi bar shekara mańyndaǵy turǵyndar otandyq TV-ny tańdaı alady.
Radıojıilikterdi únemdeý. Bul qarapaıym turǵynnyń kózine kórinbeıtin dúnıe bolǵanymen, memleket úshin mańyzy basym. Tsıfrlyq habar taratý barysynda bir jıilikte 15 arna translıatsııalansa, analogty habar taratýda nebári 1 arna beriledi. Demek, artylǵan jıilikterdi ózge kommýnıkatsııa túrlerine qoldaný múmkindigi týady.
Analogty televızııany alǵash bolyp óshirgen - Mańǵystaý oblysy. Sonymen birge Jambyl, Túrkistan oblystary men Shymkent qalasy tsıfrlyq efırlik telehabar taratýǵa birjola kóshti.
2019 jyly Almaty, Pavlodar jáne Qostanaı oblysy tsıfrlyq efırlik habar taratýǵa tolyq ótedi dep josparlanyp otyr. Al, 2020 jyldyń sońyna deıin Shyǵys Qazaqstan, Soltústik Qazaqstan, Qaraǵandy, Atyraý, Qyzylorda oblysynda analogty habar taratý toqtatylady. Batys Qazaqstan, Aqmola, Aqtóbe oblysy, Astana jáne Almaty qalalary 2021 jyly tsıfrlyq formatqa aýysady.
Aıta keteıik, tsıfrlyq júıege kóshý jobasy «Tsıfrly Qazaqstan» memlekettik baǵdarlamasy aıasynda júzege asyrylyp jatyr.