Tsıfrlyq dıplom: Jas maman ony qaǵaz kúıinde de ala ma

NUR-SULTAN. QazAqparat - Dıplomdy tsıfrlandyrǵan kezde onyń qaǵaz nusqasy da saqtalyp qalady. Bul týraly QR Bilim jáne ǵylym vıtse-mınıstri Rústem Bıǵarıdiń qatysýymen ótken onlaın brıfıngte aıtyldy, dep habarlaıdy QazAqparat tilshisi.

Vıtse-mınıstrdiń aıtýynsha, azamattardyń dıplomy Ulttyq bilim málimet bazasynda tirkeledi.

«Joǵary oqý orny jáne kolledj túlekteri dıplomnyń qaǵaz túrindegi nusqasyn da alady, sondaı-aq elektrondyq kóshirmesi de saqtalady. Dıplomnyń qaǵaz nusqasy saqtalady, sebebi shetelge baratyndar sol jaqta qaǵaz túrinde kórsetedi», - deıdi QR Bilim jáne ǵylym vıtse-mınıstri Rústem Bıǵarı.

Sondaı-aq, ol jumys berýshi dıplomnyń jasandy emes ekenin tek Bilim jáne ǵylym mınıstrliginen ǵana bile alatynyn aıtty.

«Árıne, biz málimetter bazasyn bárine ashyp bere almaımyz. Ár adam dıplomnyń túpnusqa nemese jasandy ekenin ózi teksere alady. Jumys berýshi dıplomnyń elektrondy kóshirmesin Bilim jáne ǵylym mınıstrligi arqyly ala alady. Málimetterdi taratyp jibermeý jónindegi kelisimge qol qoıylady», - deıdi ol.