Tsıfrlyq damý mınıstrligin qurdyq dep óz-ózimizdi aldarqatýǵa bolmaıdy - Prezıdent
ASTANA. QazAqparat – Prezıdent Qasym-Jomart Toqaev Digital Bridge 2022 tehnologııalyq forýmynda tsıfrlyq tehnologııalardy damytý memleket úshin nesimen mańyzdy ekenin aıtty, dep habarlaıdy QazAqparat tilshisi.
«Biz tsıfrlandyrýdy damytý jónindegi arnaıy ulttyq joba qabyldap, jeke Tsıfrlyq damý mınıstrligin qurdyq. Biraq óz-ózimizdi aldarqatýǵa negiz joq, árıne. Bizdiń aldymyzda Qazaqstandy ári qaraı tsıfrlyq turǵyda damytýdyń mańyzdy mindeti tur. Búgin sonyń basym baǵyttaryna toqtalǵym keledi», - degen Prezıdent «Indýstrııa 4.0» standartyn tsırflyq tehnologııalarsyz elestetý múmkin emestigin jetkizdi.
«Birinshisi – adamǵa baǵdarlaný. Tsıfrlyq tehnologııalar memleketke birinshi kezekte ekonomıkanyń básekege qabilettiligin qamtamasyz etý úshin, taýarlar men qyzmetterdiń jańa túrin ıgerýge, «fıntek» tehnologııasy men «Indýstrııa 4.0» standartyn engizý úshin qajet», - dedi Memleket basshysy.
Foto: t.me/bort_01
