Tsıfrlyq damý mınıstrligi «Qoljetimdi ınternet» ulttyq jobasyn ázirlep jatyr

ASTANA. QazAqparat – Qazaqstanda «Qoljetimdi ınternet» ulttyq jobasy ázirlenip jatyr. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

Mınıstrdiń aıtýynsha, qazir joba memlekettik organdarda maquldanyp jatyr.

«Jobanyń maqsaty – halyq pen bıznesti 100 Mbıt/sekýndtan kem bolmaıtyn jyldamdyǵy joǵary ınternetpen qamtamasyz etý. Ulttyq jobanyń basty is-sharalarynyń biri – 3 myń eldi mekenge deıin optıka talshyǵyn júrgizý. ıAǵnı, mektepter, aýrýhanalar men ákimdikter sııaqty ákimshilik ǵımarattar týraly ǵana emes, eń aldymen naqty úılerdi joǵary jyldamdyqty ınternetke qosý týraly aıtyp otyrmyz», - dedi Baǵdat Mýsın mınıstrliktiń keńeıtilgen alqa otyrysynda.

Sonymen birge, Tsıfrlyq damý mınıstrligi Dúnıejúzilik tsıfrlandyrý bankimen birlesip, ınternetke qosýǵa, shaǵyn jáne orta operatorlardy sýbsıdııalaýǵa arnaıy granttar beredi.

Sondaı-aq, mınıstr atap ótkendeı, 20 qalada 5G uıaly baılanysyn ornatý jumystary bastalady.