Tsıfrlyq damý mınıstrligi qazaqstandyqtardy ınternet sapasyn tekserýge shaqyrdy
Eske sala ketsek QR tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın elimizde ınternet sıgnalynyń sapasyn tekseretin bailanys.bar veb-saıty ashylǵanyn habarlaǵan bolatyn .
Bul saıt ınternettiń álsiz sıgnalyn tirkeýge alady. Saıtqa kirgende bir ǵana batyrma arqyly baılanys sıgnalyn tirkeýge bolady. Bul derekter tsıfrlyq damý, ınnovatsııalar jáne aeroǵarysh ónerkásibi mınıstrliginiń derekter bazasyna kelip túsedi.
Bailanys.bar geolokatsııany bólisýge, ınternetke qosylý jyldamdyǵyn tekserýge jáne ólsheý nátıjelerin kórýge múmkindik beredi. Eldiń eń shalǵaı túkpirleriniń turǵyndary ónimdi paıdalanyp, ınternet sapasyna monıtorıng júrgize alady. Servıs braýzerde de, Aitu mobıldi qosymshasy arqyly da qoljetimdi, ony PlayMarket jáne App Store dúkenderinen júkteýge bolady. Qosymshany ázirleýshiler – BTS Digital qazaqstandyq tsıfrlyq kompanııasynyń jas mamandary.
«Bizdiń basty mindetimiz – ınternet jyldamdyǵy boıynsha eń tómen óńirlerdi anyqtaý. Derekter neǵurlym kóp jınalsa, jaǵdaıdy túzetý úshin sharalar dálirek bolady. Biz barlyq qazaqstandyqtardy tekserýge qatysýǵa shaqyramyz. Munda kúrdeli eshteńe joq, jelini birneshe ret basý arqyly baqylaýǵa bolady», – deıdi Vladımır Fıdler.
Bul Qazaqstan tarıhyndaǵy ınternet sapasyna júıeli táýelsiz monıtorıng júrgizýdi uıymdastyrýǵa jasalǵan alǵashqy áreket. Osy ýaqytqa deıin ártúrli zertteýlerdiń biriktirilmegen derekteri negizinde nemese baılanys operatorlarynyń ózderi jasaǵan. bailanys.bar servısi obektıvti derekterdi paıdalanýshylardan tikeleı alýǵa múmkindik beredi.
