Tsıfrlyq damý mınıstrligi «Baıqońyr» aılaǵyn jalǵa berýge qatysty jaǵdaıdy túsindirdi

ASTANA. QazAqparat - QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Málik Oljabekov «Baıqońyr» ǵarysh aılaǵyn jalǵa berý elimizge qanshalyqty tıimdi ekenin aıtty, dep habarlaıdy QazAqparat tilshisi.

«Baıqońyr» ǵarysh aılaǵynda keńestik kezeńnen qalǵan ushyrý alańdary bar. Ushyrý keshenderiniń ózi naqty úlgidegi zymyran tasyǵyshtarǵa arnalǵan. Sondyqtan onda arnaýly zymyran tasyǵyshtar paıdalanylyp keledi. Olardy basqa maqsattarda paıdalanýdyń balama baǵyttary joq, ıaǵnı tehnıkalyq turǵyda múmkin emes», - dedi M. Oljabaev Senattyń jalpy otyrysynan keıin tilshiler suraǵyna jaýap bere otyryp.

Osy oraıda ol jalǵa alý sharty birneshe ret uzartylǵanyn eske saldy.

«Bul baǵytta tıimdi jobalar bar. Onyń ishinde ǵarysh aılaǵy qyzmetine mamandarymyzdy jumyldyrý eskerilgen. Sonymen qatar, zymyran tasyǵysh ushyrylǵannan keıin, ekologııalyq jaǵdaıǵa baqylaý jasaýǵa erekshe mán berilip otyr. Osy turǵyda biz ekijaqty ózara tıimdi yntymaqtastyq aıasyndaǵy qarym-qatynasymyzdy tereńdetip jatyrmyz», - dedi vıtse-mınıstr.

«Ǵarysh aılaǵyn jalǵa berý quny jylyna 115 mıllıon dollardy qurap otyr. Eger ınflıatsııa týraly aıtatyn bolsaq, bul tólem dollarmen esepteledi. Al ulttyq valıýtada bolsa da, qazirgi baǵam boıynsha eseptelip otyrady. Teńgedegi baǵa 1994 jyldan beri aıtarlyqtaı ósti», - dedi Málik Oljabekov.