Tsıfrlyq 62 bastama: Jańa tehnologııalar qazaqstandyqtardyń ómirin qalaı jeńildetedi

Onlaın satyp alýlar, reıster men qonaqúılerdi brondaý, qolma-qol aqshasyz kez kelgen tólem jasaý, bul múmkindiktersiz buryn biz qalaı júrdik, tipti adam nanǵysyzdaı kórinedi.

Búginde mundaı qyzmettiń túr-túrin birneshe sekýnd ishinde júzege asyrýǵa múmkindik bar. Ol úshin tek smartfon men qajetti mobıldi qosymshalardyń bolýy jetkilikti.

Sonymen qatar tek onlaın rejıminde tıisti suraý salý arqyly: kólikti qaıta resimdeý, júrgizýshi kýáligin aýystyrý, JShS ashý jáne tipti otbasyn qurý syndy kóptegen turmystyq jáne jumysqa qatysty máselelerdi ózińniń qatysýyńsyz da sheshýge bolady.

Qajettilikterdi osylaı sheshý yńǵaıly ári jyldam, eń bastysy qaýipsiz. Sol sebepti de sońǵy jyldary tsıfrlandyrý máselelerine kóp kóńil bólinýde.

Qazirgi ýaqytta Úkimet árbir qazaqstandyqtyń ómirin týǵannan bastap jaqsartýǵa jáne jeńildetýge arnalǵan 62 jańa «tsıfrlyq» bastamany iske asyrýda. Sonymen qatar, olar biz kezdesetin kóptegen jaǵdaılardyń basym bóligine qatysty.

Mundaı sheshimder týraly Primeminister.kz saıtynda jarııalanǵan sholý materıalynan naqtyraq bilýge bolady.

Onlaın otbasy

Ádilet mınıstrligi Tsıfrlyq damý, ınnovatsııalar jáne aeroǵarysh ónerkásibi mınıstrligimen birlese otyryp, Digital Justice jobalar portfeli aıasynda birneshe yńǵaıly qyzmetterdi iske qosty.

Osyndaı qyzmetterdiń biri – mobıldi qosymsha arqyly nekege turýǵa ótinish berý.

Eger siz otbasyn qurýdy josparlasańyz, endi AHAJ bólimine barýdyń, qujattardy jınaýdyń, uzyn-sonar kezekte turýdyń qajeti joq.

Ol úshin banktik qosymshaǵa kirip, Memlekettik qyzmetter bólimine ótip, tıisti ótinimdi jiberý jetkilikti. Ázirge muny qarjy ınstıtýty jasap otyr, bolashaqta mundaı múmkindikter banktik basqa qosymshalarda qarastyrylmaq.

Qazaqstan azamattaryna osy tsıfrlyq qyzmet unap otyr. Bıylǵy aqpan aıynyń alǵashqy kúnderinen bastap 600-den astam jup jańa servıstiń kómegimen nekeni tirkeýge ótinish rásimdedi. Olardyń úshten birinen astamy AHAJ organdarymen rastalǵan. Buryn mundaı qyzmet «Elektrondyq úkimettiń» saıtynda ǵana qoljetimdi bolatyn.

Tsıfrlyq bıznes

Sondaı-aq jyl basynan beri egov.kz mindetti memlekettik tirkeýge jatpaıtyn jyljymaly múlik kepilin tirkeýge qoljetimdi boldy.

Rásimdeý úshin portalǵa kirip, tıisti ótinimdi toltyrý jetkilikti. Jańa jyldan bastap qazaqstandyqtarǵa qoljetimdi taǵy bir tsıfrlyq qyzmet iske qosyldy. Ol JShS-ny tez ári qıyndyqsyz tirkeýge múmkindik beredi. Bul úshin sizge tek smartfon jáne az ǵana ýaqyt qajet. Naqtylaı aıtqanda, biz banktik mobıldi qosymshamen bıometrıkany qoldaný arqyly kirip, «JShS tirkeý» qyzmetin tańdaımyz.

Barlyq qajetti joldardy toltyrǵannan keıin ótinimge qol qoıamyz jáne kásipkerlik qyzmettiń bastalǵany týraly habarlamany dereý alamyz. Qalǵanyn júıe óz betinshe atqarady, ıaǵnı habarlama avtomatty túrde memlekettik kirister men statıstıka organdaryna jiberiledi jáne paralleldi túrde jańa JShS úshin bankte esepshot ashylady.

«Tsıfrlyq» keıinge qaldyrý qyzmeti

1 naýryzdan bastap azamattar ózderiniń aqparattyq júıelerde bar tsıfrlyq derekteri negizinde áskerı qyzmetke shaqyrýdy keıinge shegerýge nemese áskerı qyzmetke shaqyrýdan bosatylýǵa ruqsatty onlaın rejıminde ala alady. Buǵan «Tsıfrlyq» keıinge qaldyrý qyzmeti múmkindik beredi.

Atalǵan qyzmet azamattardy talap etiletin qujattardy jınaýdan jáne áskerı komıssarıatqa barý qajettiliginen bosatady.

Sonymen qatar jaqyn arada áskerı esepke mindetti tirkeýdi jáne shyǵarýdy toqtatý týraly sheshim qabyldanady.

Endi turǵylyqty jerin aýystyrǵan kezde áskerı mindetti nemese merzimdi áskerı qyzmetshini tirkeý jáne esepten shyǵarý jergilikti áskerı basqarý organdaryna barmaı-aq avtomatty túrde júzege asyrylady.

Jeliden tys kıbershabýylshylar

Tsıfrlandyrý – bul jaılylyq pen keń múmkindikter beretin zamanaýı álemniń ıgiligi bolsa da, munda da alaıaqtarmen betpe-bet kelý múmkin ekenin qaperde ustaǵan jón.

Aqparattyq tehnologııalardy keńinen engizý kıberqylmys sanynyń kóbeıýine ákeldi.

Іshki ister mınıstrliginiń málimetinshe, bıylǵy jyldyń basynan beri quqyq qorǵaý organdary osyndaı 1,5 myń quqyq buzýshylyqty tirkegen.

Alaıaqtardyń quryǵyna qalaı túspeýge bolady? Qalaı bolsa da, kúmándi siltemelerge jolamańyz jáne sizben baılanysqan adam ózin quqyq qorǵaý organynyń qyzmetkeri nemese bank qyzmetkeri retinde tanystyrsa da, jeke derekterińizdi eshkimmen bólispeńiz.

Sonymen qatar, Qazaqstanda tirkelmegen nemese aýystyrylǵan abonenttik nómirlerden keletin qońyraýlardy buǵattaıtyn antıfrod-júıe qazirdiń ózinde qoldanyla bastady.

Bul Іshki ister jáne Tsıfrlyq damý mınıstrlikteriniń birlesken jumysynyń arqasynda múmkin boldy.

«Antıfrod» abonenttik qońyraýlar týraly aqparatty óńdeý arqyly alaıaqtardyń qońyraýlaryn buǵattaıdy.

Arnaıy biryńǵaı júıeniń kómegimen baılanys operatory nómirdiń belsendiligi týraly derekterdi suraıdy jáne olardy avtomatty rejımde taldaıdy.

Eger júıe qońyraýdyń shynaıy ekenin jáne nómirdiń jalǵan emes ekenin rastasa, qaýipsiz baılanys ornatylady.

Baılanys operatorlarynyń málimetinshe, 2022 jyly júıeni biriktirgennen keıin 19 mln-nan astam alaıaqtyq qońyraýlar buǵattaldy, al bıylǵy eki aıda osyndaı 8 mıllıon qońyraýǵa tosqaýyl qoıyldy. Búginde uıaly baılanys operatorlary mundaı jaǵdaılardy tolyǵymen joıý úshin algorıtmderdi jetildirýde.

Tsıfrlandyrý týraly áńgime alys bolashaq týraly qııal emes. Tsıfrlyq Qazaqstan qazirdiń ózinde ómirlik shyndyqqa aınaldy. Qysqa ýaqyt ishinde bizdiń elimiz TMD jáne Ortalyq Azııa elderi arasynda keıbir pozıtsııalar boıynsha alǵa shyqty. Jáne bul shekten alys. Tsıfrlyq sheshimderdiń paıdasyn elimizdiń kóptegen azamaty birden sezinedi. Sonymen qatar, jumys munymen aıaqtalmaıdy, alda bizdiń ýaqytymyz ben aqshamyzdy únemdeýge múmkindik beretin jańa paıdaly qyzmetter men sheshimder kútip tur.