Tsıfrly telehabar taratý jelisi shalǵaıdaǵy 420 eldiń mekenniń memlekettik telearnalarǵa qol jetkizýin qamtamasyz etti - Májilistiń áleýmettik-mádenı damý komıteti
ASTANA. 8 qarasha, Májilis Úıi. Búgin Kólik jáne kommýnıkatsııa mınıstriniń orynbasary Roman Sklıar Ulttyq tsıfrlyq spýtnıktik jáne efırli televızııany engizý boıynsha júıeli jumys júrgizý baǵdarlamasynyń iske asyrýy jaıynda depýtattarǵa aıtyp berdi, dep habarlady QR Parlamenti Májilisiniń baspasóz qyzmeti.
Talqylaý Májilistiń Áleýmettik-mádenı damý komıtetinde Darıǵa Nazarbaevanyń jetekshiliginde ótti.
2011 jyly Baǵdarlamanyń birinshi kezeńi - telehabar taratýdyń tsıfrlyq jerseriktik jelisin qurý, sonymen qatarlastyra 2015 jylǵa deıin eseptelgen telehabar taratýdyń tsıfrlyq efırlik jelisin qurýdyń ekinshi kezeńi iske asyryla bastady.
2011 jyldyń qańtarynan «OTAU TV» spýtnıktik teletaratý ulttyq jelisi iske qosylyp, 37 qazaqstandyq tele jáne 7-radıo arnalardan turatyn tegin qoljetimdi toptama quryldy.
Memleket basshysynyń memlekettik habar taratýmen buryn qamtylmaǵan 420 eldi mekenderdi memlekettik telearnalarǵa qol jetkizýin uıymdastyrý týraly tapsyrmasy oryndaldy.
Qazaqstan Respýblıkasynda Tsıfrlyq telehabar taratýdy engizý baǵdarlamasyn iske asyrýdy:
1. Memleket Basshysynyń elimizdiń barsha halqyn joǵary sapaly habar taratýdy qamtamasyz etýmen otandyq telearnalarǵa qol jetkizýin qamtý boıynsha tapsyrmasyn oryndaýdy;
2. Qazaqstan Respýblıkasynyń memleketterdiń 2015 jylǵa tsıfrlyq efırlik telehabar taratýǵa ótý boıynsha «Jeneva 2006» halyqaralyq kelisimin oryndaýdy;
3. Qazaqstandyq telearnalardyń baǵdarlamalaryn nasıhattaýdy jáne Internet-habar taratý arqyly Qazaqstan Respýblıkasynan tys ornalasqan qazaq dıasporalarynyń aqparattandyrýyn kóterýdi;
4.Qosymsha ınteraktıvti qyzmet kórsetýlerdi jasaý jáne ulttyq teleradıo habarlaryn taratý jelisi arqyly halyqtyń elektrondy qyzmetterine qol jetkizýdi;
5.Qazaqstan Respýblıkasynyń aqparattyq qaýipsizdiginiń talaptaryna sáıkes bolýyn qamtamasyz etedi.
Parlamentshilerdiń suraqtaryna mádenıet jáne aqparat vıtse-mınıstri Arman Qyryqbaev, «Qazteleradıo» AQ basqarma tóraǵasy Abaı Qydyralıevter jaýap berdi.
