Tsıfrlandyrýdyń nátıjesi: Karerdi robottar qazady

ASTANA. QazAqparat - Nemis sarapshylary Qazaqstan ekonomıkasynyń tsıfrlandyrýǵa qanshalyqty daıyn ekenin tekserip shyqty. Búginde óńdeý salasy 20 paıyzǵa daıyn bolsa, taý-ken sektory 40 paıyz daıar, dep xabarlaıdy QazAqparat tilshisi.

"Endi, álemdik tájirıbeni qarasaq, Avstralııanyń jetistikterin erekshe atap ótken jón. Ol jaqta ken óndirýde, karerlerde adamdar múldem jumys istemeıdi. Ol jaqta bárin ǵalamtor arqyly basqarady. Alysqa barmaı-aq, Bolgarııada "Chelopech" degen kenish bar. Biz ol jaqqa baryp, bárin kórdik. Sonda qarańyz, olar tsıfrlandyrýdyń arqasynda ken óndirýdi úsh esege arttyra bildi. Árıne, jumysshylardyń sanyn birshama azaıtty. Al jaraqat alý jaǵdaılary múldem joq. Bizdiń negizgi maqsatymyz da osy" , - dedi QR Parlament Májilisiniń depýtaty Albert Raý búgin Astanadaǵy xalyqaralyq konferentsııada.

Depýtattyń aıtýynsha, búginde Qazaqstandaǵy iri kásiporyndar tsıfrlandyrýǵa bet alyp, osy saladaǵy baǵdarlamalaryn da qabyldady.