Tsıfrlandyrýdan fermerler ne utady
«Salada tsıfrlandyrýdyń irgetasy retinde geopozıtsııalyq, vegetatsııalyq, agrohımııalyq, gıdrogeologııalyq jer óńdeý toptarymen elektrondyq kartalary bolady. Alǵashqy eki tobyn biz engizip qoıdyq. Endi qalǵandaryn nyǵaıtatyn bolamyz. Shartty túrde fermerler tsıfrlandyrýdyń úsh tobynan ótedi. Osy oraıda kelesi kezeńge ótýi úshin ár topqa mindetti elementterdiń tizimi aıqyndaldy», - dep túsindirdi Aýyl sharýashylyǵy birinshi vıtse-mınıstri Arman Evnıev.
Onyń sózine qaraǵanda, osyndaı elementterde egin egýdiń saralanǵan qadamdary, jerdi tıimdi sýarý jáne basqa da baǵyttar qamtylǵan. Sonymen qatar tyńaıtqyshtardy sebýdegi qajetti tásilderge nazar aýdarylady.
Bul turǵyda A. Evnıev AÓK-te tsıfrlandyrý aspektilerin engizýden qandaı nátıjeler bolatynyn jarııa etti.
«Eger de meteostansalardy qursaq jáne árbir fermer óziniń meteobeketimen biryńǵaı bazaǵa kirse, onda eshqandaı komıssııalar kerek bolmaıdy. Júıe aktilerdi onlaın túrde bekitedi. Sarapshylardyń esepteýinshe, naqty eginshilikti engizý astyq shyǵymdylyǵyn 30-50 paıyzǵa arttyryp, motoresýrstar shyǵyndaryn 40 paıyzǵa tómendetedi. Sonymen qatar janar-jaǵarmaıdy 15-20 paıyzǵa únemdeı túsedi. Jalpy, osydan bolatyn tıimdilik 60 - 90 paıyzǵa artady», - dedi ol.