Tsıfrlandyrý jumystarymen kásibı mamandar aınalysýy kerek
Pavlodarda «Tsıfrlyq Qazaqstan» memlekettik baǵdarlamasyn iske asyrý máseleleri talqylandy. Oblys ákiminiń orynbasary Meıram Begentaevtyń aıtýynsha, aımaqtaǵy tsıfrlandyrý jumystary memlekettik baǵdarlamanyń barlyq baǵyttary boıynsha atqarylýda.
«Qyzmet kórsetýdi ońtaılandyrý jáne avtomattandyrý qarastyrylǵan. Qazirdiń ózinde elektrondy formatta 38 paıyz qyzmet kórsetiledi, 2022 jylǵa qaraı jospar 85 paıyzǵa jetedi»,-dedi ol.
Pavlodardaǵy tsıfrlandyrý jumystarymen Investıtsııa tarý jónindegi agenttik aınalysady. Jıynǵa «Zerde» ulttyq aqparattyq kommýnıkatsııalyq holdınginiń ókili Qýat Saǵadıev qatysty. Ol GIS biryńǵaı kartasy týraly pılottyq sheshimdi usyndy.
«Pavlodar oblysy «Tsıfrlyq Qazaqstan» baǵdarlamasyn júzege asyrýda kósh bastap turǵan óńirler qatarynda. Biz barlyq salaǵa kómek kórsetýge daıynbyz»,-dedi ol.
Kezdesý sońynda oblys ákimi Bolat Baqaýov eldegi tsıfrlandyrý jumystaryn aıshyqtaýda memlekettik qyzmetkerler aldyńǵy qatardan kórinýi kerek ekendigi aıtty.
«Tsıfrlandyrý eskirgen qyzmet kórsetý jumystaryn jeńildetedi. Qaǵazben júretin qujat aınalymy kelmeske ketedi. Bul sheshim qabyldaý jumystaryn barynsha ashyq kórsetedi. Tsıfrlandyrýmen aqsha qýǵan pysyqtar emes, naǵyz kásibı mamandar aınalysýy kerek»,-dedi ákim.
