Tsıfrlandyrý: Pavlodarda 11 joba iske asyryldy

Oblys ákimi baspasóz qyzmetiniń málimdeýinshe, tsıfrlandyrý aıasynda 40 jobany júzege asyryp otyrǵan ındýstrııa salasynda úlken serpilis oryn alǵan.
«2018 jyly Pavlodar oblysynyń kásiporyndary 5 mıllıard teńgege 11 jobany iske asyrdy. Jobalardy iske asyrý barysynda ónimderdiń qunyn tómendetý, otyndy tutynýdy saraptaý jáne baqylaý, sondaı-aq jumys ýaqytyn esepke alýdy avtomattandyrý arqyly óndiris protsesterin ońtaılandyrý eskerildi», - dedi baspasóz qyzmetinde.
Qazirgi ýaqytta tsıfrlandyrý elektr energııasyn esepke alýdyń kommertsııalyq júıesin, ártúrli basqarý júıelerin, GPS, atmosferalyq jáne kommýtatsııalyq qatty kúsh berýden qorǵaıtyn qurylǵylardy jáne taǵy da basqalaryn avtomattandyrǵan «Eýroazıattyq energetıkalyq korporatsııasy» AQ, «Kaýstık» AQ, «Maıqaıyńaltyn» AQ, «ERG Service» AQ-nyń fılıaly - Pavlodar mashınaqurastyrý zaýyty, «Pavlodar munaı-hımııa zaýyty» JShS, «Qazaqstan elektrolız zaýyty» Aq, «Qazaqstan alıýmınııi» AQ jáne «Prommashkomplekt» JShS-da sátti engizilgen.
Belgili bolǵandaı, 2019 jyly dıspetcherlik jáne avarııalyq-qutqarý qyzmetterin, geografııalyq aqparattyq júıelerdi, qoǵamdyq kólikte elektrondy bıletterdi satý júıesin engizý, jol qozǵalysy erejelerin buzýshylyqty foto-jáne beıne jazbalar arqyly tirkeý jáne beıne-analıtıkany jedel basqarý úshin jaǵdaılyq ortalyq qurý josparlanýda.
Foto: Valerıı Býgaev