Tsıfrlandyrý máseleleri jónindegi komıssııa elektrondy saýdany damytý máselesin qarady
Otyrys barysynda «Tsıfrlyq Qazaqstan» memlekettik baǵdarlamasyn iske asyrý barysy talqylandy. Atap aıtqanda, 2018-2020 jyldarǵa arnalǵan Elektrondy saýdany damytý jónindegi jol kartasyn iske asyrý aıasynda qolma-qol aqshasyz, mezettik mobıldik jáne basqa tólemderdi engizý jónindegi jumystardyń baǵyttary qaraldy. Budan ózge, qorǵanys salasynda poshtalyq ınfraqurylymdy, tsıfrlandyrýdy damytýǵa, shaǵyn jáne orta bıznes úshin ashyq tsıfrlyq platformany damytý máselesine kóńil bólindi.
Atalǵan baǵyttar boıynsha atqarylǵan jumystar týraly ulttyq ekonomıka mınıstri T. Súleımenov, qorǵanys mınıstri N. Ermekbaev, Ulttyq bank tóraǵasynyń orynbasary J. Qurmanov, «Qazposhta» AQ basqarma tóraǵasy S. Sársenov, «Qazaqtelekom» AQ basqarma tóraǵasy Q. Esekeev baıandady.
Bıylǵy 11 aıdyń ishinde elektrondy saýda naryǵy 269 mlrd teńgeni qurady, bul 2017 jyldyń kórsetkishinen 55%-ǵa artyq. Satyp alýshylar sany eki ese derlik ósip, 2,32 mln adamdy qurady. Elektrondy saýda salasyna tartylǵan shaǵyn jáne orta bıznes sýbektileriniń sany 1698 sýbektini qurap, ótken jyldyń kórsetkishin 864 birlikke arttyrdy.
Sonymen qatar shaǵyn jáne orta bıznes úshin Ashyq tsıfrlyq platforma (ári qaraı ATsP) júıesi iske qosyldy, ol kompıýter nemese mobıldi qosymsha arqyly qoljetimdi. ATsP - bıznes úshin bıznesti qashyqtyqtan basqarýǵa, sol arqyly ónimdi ótkizýdiń jańa naryqtaryn ashý, bilikti personaldy irikteý jáne memlekettik qoldaý men memlekettik qyzmetter paıdalanýǵa múmkindik beretin tsıfrlyq servıster qoljetimdi bolatyn platforma. Bul bızneske ákimshilik jáne óndiristik shyǵyndardy azaıtýǵa, taýarlar men qyzmetterdiń aınalymdylyǵyn arttyrýǵa múmkindik beredi. Platforma AT-ónimderdiń naryqqa shyǵý ýaqytyn qysqartýǵa, Platformanyń daıyn quraýyshtaryn paıdalaný arqyly AT-servısterdiń ózindik qunyn tómendetýge, Platformadaǵy ashyq básekelestik arqyly AT-servısterdiń sapasyn arttyrýǵa jáne bıznesti aýqymdandyrý arqyly tıimdiliginiń ósýine yqpal etedi.