Tsıfrlandyrý: Qostanaı jáne Chelıabi oblystary áriptestik ornatty

Petropavl qalasynda Qazaqstan men Reseı shekaralyq yntymaqtastyq forýmy ótetinin habarlaǵanbyz.
Osy forým aıasynda Qostanaı oblysy ákiminiń orynbasary Meıirjan Myrzalıev bastaǵan delegatsııa Chelıabi oblysyna jumys saparymen bardy. Mundaǵy maqsat - reseılik stýdentterge Qostanaı oblysyndaǵy jobalyq basqarýdyń iske asý barysyn tanystyrý.
«Meıirjan Myrzalıev aldymen Chelıabi memlekettik ýnıversıtetiniń stýdentterine ındýstrııalandyrýdyń bazalyq baǵyttaryn, shaǵyn jáne orta bıznestiń damýy týraly sheberlik saǵatyn ótkizdi. Ákim orynbasary oblystaǵy «Tsıfrlyq Qazaqstan» baǵdarlamasynyń jobalaryn kórsetti. Ásirese, stýdentter jer alqaptaryn tsıfrlandyrý, sút jáne et fermalary, áleýmettik salalardaǵy sandyq júıelerdi engizý jumystaryna qyzyǵýshylyq tanytty», - dedi Jiger Sársen agenttik tilshisine.
Bul jıynda Qostanaı oblys kásipkerlik jáne ındýstrıaldy-ınnovatsııalyq damý basqarmasynyń basshysy Isa Qudabekov pen «Tobyl» ÁQK» AQ tóraǵasynyń keńesshisi Aleksandr Tsoı ınvestıtsııanyń damýy týraly málimet berdi.
Ýnıversıtet stýdentterimen kezdesýde memlekettik jáne mýnıtsıpaldy basqarý, personaldy basqarý, menedjment , ekonomıka taqyryptary sóz boldy. Zamanaýı talaptarǵa sáıkes, memlekettik jobalar men baǵdarlamalardy júzege asyrý úshin memleket tarapynan bólinetin qarajatty tıimdi paıdalanýdyń ózekti. Sondaı-aq, aldaǵy ýaqytta jobalyq basqarý tásili memlekettik basqarý júıesine túbegeıli ózgerister engizýi múmkin, buǵan qosa ol iri ınvestıtsııalyq jobalardy utymdy basqarýǵa múmkindik beretin damý quraldarynyń birine aınalýy tıis. Qostanaılyq tarap osy máselege erekshe toqtaldy.
Jastar qazaqstandyq meımandarmen ashyq dıalog ótkizdi. Aıta keteıik, sheberlik saǵattaryna 500-den astam stýdent qatysty.
Óz kezeginde Qostanaı oblysynyń ákimdigi Chelıabi ýnıversıtetin «Tsıfrlyq Qazaqstan» baǵdarlamasy aıasynda áriptestik ornatýǵa shaqyrdy.