Tsıfrlandyrý, ІT, bıotehnologııa, jasandy ıntellekt zamany kele jatyr - akademık

ALMATY. QazAqparat – Prezıdent joldaýy arqyly qoǵamdy jańǵyrtýǵa qadam basqanyn bildirdi. Bul týraly ekonomıka ǵylymdarynyń doktory, akademık Orazaly Sábdenov aıtty, dep habarlaıdy QazAqparat tilshisi.

«Bıylǵy Prezıdent joldaýynda betburys qadamdar, jańa tyń usynystar bar. Joldaýdy tereńirek qarasańyz, Prezıdent túbegeıli reformaǵa barǵysy bar. Oı, ıdeıa, tapsyrma berilgen. Prezıdent tipti qoǵamdy jańǵyrtýǵa barmaqshy. Jańa joldaý - revolıýtsııalyq ıdeıalar jıyntyǵy. Alaıda kórsetilgen meje mindetter halyqpen birge iske asýy kerek. Ár adamnyń yntasy, sanasy ózgermese basqasynan nátıje az bolady», - dedi ǵalym.

Akademık Joldaýdaǵy 11-taraýdyń ishinde eń mańyzdysy ulttyq jańa bolmysyna arnalǵan taraý ekenin aıtty.

«Mańyzy jaǵynan 11-taraýdyń ishinen ulttyń jańa bolmysyna qatysty taraýǵa basymdyq berilip tur. Jańa zaman bastaldy. Álem kúrt ózgergen. Erteń ne bolaryn bilmeımiz. Tipti G7, G20 elderi AQSh-tan bastap ózderi de daǵdarysta. Aldy 30 paıyzǵa, Brıtanııa 20 paıyzǵa shyǵynǵa batqan. Endi basqa pýnktter alǵa shyǵady. Tsıfrlandyrý, ınternet, ІT, bıotehnologııa, jasandy ıntellekt zamany kele jatyr. Damyǵan memleketterde 75 paıyzdan joǵary kiris ıntellektýaldyq eńbekten, 25 paıyzy munaı-gaz materıaldyq saladan kelip jatyr. Myna joldaýda qaıta óńdeýdi tez damytý, shıkizat ekonomıkasynan ketý mejesi qoıylǵan. Ekonomıkany kúsheıtpese qalǵany bolmaıdy», - dedi ol.

Aıta keteıik, 2020 jylǵy 1 qyrkúıekte Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saıynǵy dástúrli Joldaýyn jarııalady.