Tsıfrlandyrý, ǵylym jáne ınnovatsııalar ulttyq jobasyna 2,2 trln teńge jumsalady – Baǵdat Mýsın
«Memleket basshysynyń Joldaýy aıasynda aıtylǵan tapsyrmasyna sáıkes, «Tsıfrlandyrý, ǵalym jána ınnovatsııalar esebinen tehnologııalyq serpilis» ulttyq jobasy ázirlenip, bekitildi. Onyń maqsaty elimizdi zamanaýı memleketke aınaldyrý, tsıfrlyq transformatsııa arqyly tıimdi memlekettik basqarýdy, senimdi derekter negizinde sheshimder qabyldaýdy, tsıfrlyq dáýirde ınfraqurylymdy tıimdi jáne qaýipsiz paıdalanýdy qamtamasyz etý, eldiń áleýmettik-ekonomıkalyq damýyna ǵylymı úlesin arttyrý», - dep atap ótti B. Mýsın Ortalyq kommýnıkatsııalar qyzmetinde ótken baspasóz máslıhatynda.
Mınıstrdiń aıtýynsha, ulttyq joba 10 baǵyttan, 226 tapsyrmadan, 44 kórsetkishten jáne 211 is-sharadan turady, olardy iske asyrý 2025 jylǵa deıin josparlanǵan.
«Ulttyq joba eki blokqa bólingen: «Tsıfrlyq transmormatsııa» jáne «Ǵylym» blogy. «Tsıfrlyq transmormatsııa» blogy memlekettik qyzmetterdi 5 mınýt ishinde kórsetý, IT salasyn damytý, halyq únine qulaq asatyn jáne tıimdi memleket qurý, qolaıly ómir súrýge arnalǵan tsıfrlyq quraldardy qoldaný, tehnologııalyq jáne ınnovatsııalyq bıznesti damytý, sapaly ınternet pen aqparattyq qaýipsizdikti qamtamasyz etý baǵyttarynan turady.
Al «Ǵylym» blogynda – «Ǵylymnyń kadrlyq áleýetin nyǵaıtý», «Ǵylymı ekojúıeniń básekege qabilettiligin arttyrý», «Eldiń damýyna ǵylymnyń úlesin arttyrý» ıaǵnı ǴYLYM-ÓNDІRІS-BIZNES ustanymyn qoldaný jáne «Ǵylymdy ákimshilendirýdi jetildirý» baǵyttary bar», - dep túsindirdi B. Mýsın.
Onyń aıtýynsha, ulttyq jobany iske asyrý úshin 2,2 trln teńge qarajat jumsalady. Onyń ishinde 1,4 trln teńge memlekettik bıýdjetten, al 800 mlrd teńge jeke ınvestıtsııalar retinde tartylatyn bolady. Atalǵan ulttyq joba Premer-Mınıstrdiń qaýlysymen 12 qazanda qabyldandy.
