Tsıfrlandyrý: Elordada ІT-keńes quryldy
«Biz STEM-olımpıadalarǵa basa mán beremiz. Ol saıysqa qazir kompanııalar ǵana emes, oqýshylar da belsendi túrde qatysyp jatyr. Ótken jyly oflaın rejımde birneshe ret shara ótkizgenimizben bıyl ol kezdesýlerdiń bári de onlaın rejımde uıymdastyryldy. Eń qýantarlyǵy, bizdiń qaladaǵy oqýshylar shynaıy ári ómirsheń jobalardy usyna bildi», - dedi Nur-Sultan qalasynyń tsıfrlandyrý jáne memlekettik qyzmet basqarmasynyń basshysy Botagóz Qasabek onlaın brıfıng barysynda.
Basqarma basshysynyń aıtýynsha, taıaýda Nur-Sultan qalasy ákimi Altaı Kólginovtyń qoldaýymen ІT-keńes qurylǵan.
«Onyń aıasynda qala turǵyndarynyń, bıznes qaýymdastyqtyń jáne ǵylymı ortanyń pikirin eskere otyryp, qalanyń tsıfrlandyrylýy baǵytynda biryńǵaı saıasat qalyptastyrdyq. Biz Nur-Sultan halqyna paıdasyn tıgizetin jańa usynystardy qýana-qýana kútemiz. Ár jobanyń ıesimen kezdesip, eger onyń jobasy shynymen qalaǵa kerekti retinde moıyndalyp jatsa, «Astana Innovation Shallenge» konkýrsyna kirgizemiz», - dedi ol.
