Tsıfrlandyrý arqyly halyqtyń kúndelikti ómiri jeńildeýi tıis - Ǵalymjan Qoıshybaev
Premer-Mınıstrdiń orynbasary – QR Úkimet Apparatynyń basshysy Ǵalymjan Qoıshybaevtyń tóraǵalyǵymen ótken keńeske tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın, osy vedomstvonyń vıtse-mınıstrleri jáne ortalyq memlekettik organdar apparattarynyń basshylary qatysty.
Ǵ. Qoıshybaev tsıfrlyq tehnologııalardy engizýdiń jáne bıýrokratııadan aryltýdyń memlekettik apparat jumysynyń tıimdiligin arttyrýda ǵana emes, birinshi kezekte qazaqstandyqtardyń ómirin jaqsartýda erekshe mańyzdy ekenin atap ótti.
«Bıyl bıýrokratııa men tsıfrlandyrý máselelerinde birqatar serpindi qadamdardy júzege asyrýymyz kerek. Eń aldymen, munda halyqtyń birinshi kezektegi qajettilikterine erekshe nazar aýdarǵan jón. Bul jumys memlekettik apparattyń qyzmetin bıýrokratııadan aryltý jónindegi jarlyqty jáne Prezıdenttiń saılaýaldy baǵdarlamasyn oryndaý sheńberinde keshendi túrde júrip jatyr», — dedi Ǵ. Qoıshybaev.
Bul mindetter qalaı sheshiletini týraly B. Mýsın aıtyp berdi. Máselen, jasalatyn jumys adamǵa baǵyttylǵan bolýy kerek.
«Tsıfrlandyrý árbir qazaqstandyqqa baǵyttalýy tıis ekenin túsinemiz. Onlaın-rejımde avtokólikti qaıta rásimdeý, týý týraly kýálik alý sııaqty azamattarymyzdyń ómirin edáýir jeńildetken mindetter oryndalýda. Alaıda ári qaraı ilgerileý kerek. 10 negizgi ómirlik jaǵdaıdy anyqtadyq, olardy tolyǵymen qarastyryp, ózimiz úshin proaktıvti memlekettik qyzmetterdi engizý boıynsha jumysty jalǵastyratyn negizgi sátterdi belgiledik», — dedi B. Mýsın.
Sonymen qatar mınıstr memlekettik qyzmetshilerge, azamattarǵa jáne bızneske áser etetin bıýrokratııadan aryltý protsesiniń úsh negizgi baǵytyn belgiledi.
Máselen, memlekettik qyzmetshiler úshin derekter negizinde sheshim qabyldaýdy jedeldetý úshin esep berýdi avtomattandyrý, azamattar úshin Otbasynyń tsıfrlyq kartasyn (qujattardy qajet etpeıtin proaktıvti qyzmetter) engizýdi, bıznes úshin taza paraqtan retteý josparlanǵan.
Keńesti qorytyndylaı kele, Ǵ. Qoıshybaev tsıfrlyq damý, ınnovatsııalar jáne aeroǵarysh ónerkásibi vıtse-mınıstrlerine tsıfrlyq transformatsııany ilgeriletýdiń mańyzdy ekenin eske saldy.
«Bıýrokratııadan aryltý tek memlekettik organdardyń jumysyn jeńildetýmen ǵana shektelmeýi kerek. Ony elimizdiń azamattary ózderiniń kúndelikti ómirinde sezinýge tıis. Bul máseleni sheshý úshin biz adamǵa baǵyttalǵan tásildi júzege asyramyz, ol memlekettik apparattyń halyqpen ózara is-qımyl jasaýyna tikeleı áser etedi», — dep túıindedi Ǵ. Qoıshybaev.
