Tsıfrlandyrý: Álemde mamandyqtardyń 30% jýyǵy qysqarady

ASTANA. QazAqparat - Búgin Májiliste ótken parlamenttik tyńdaý barysynda palata tóraǵasy Nurlan Nyǵmatýlın avtomattandyrý nátıjesinde mamandyqtardyń qysqarýynan týyndaıtyn máselelerdi berilesip sheshýge shaqyrdy, dep habarlaıdy QazAqparat tilshisi.

«Tórtinshi ónerkásiptik revolıýtsııa nátıjesinde jumys oryndarynyń bosatylýy taǵy bir mańyzdy baǵyt bolyp otyr. Osyǵan oraı, avtomattandyrý jáne tsıfrlandyrý kezinde álemde keıbir kásipterdiń 30 paıyzǵa jýyǵy qysqarýy múmkin degen boljam bar. Bul jolda eńbek resýrstaryn basqarý júıesin qalyptastyrý mańyzdy bolyp tabylady. Osy jolda memlekettik organdar, azamattyq qoǵam, úkimettik emes uıymdar, kásipkerler birlese jumys isteýimiz qajet. Sebebi azamattarymyzdyń ómir sapasyn jaqsartý - barshamyzdyń ortaq maqsatymyz», - dedi Májilis tóraǵasy jumyspen qamtý máselelerine arnalǵan parlamenttik tyńdaýda.

Budan buryn habarlanǵandaı, Nurlan Nyǵmatýlın elimizde eńbekpen qamtý salasynda atqarylǵan jumystardyń nátıjesi týraly aıtty.

Sonymen qatar ol ýnıversıtet túlekterine jumys tabý nelikten qıyn ekenin túsindirdi.