Tsıfrlandyrý: Aqmolalyq kompanııanyń eńbek ónimdiligi 2 esege ulǵaıdy
Kompanııa basshylarynyń deregi boıynsha, qazirgi zamańǵy tehnologııany engizý boıynsha sońǵy 4 jyldyń kásiporynda eńbek ónimdiligi 2 esege ulǵaıǵan.
Búgingi tańda «Atameken-Agro» AQ Qazaqstannyń úzdik 15 iri kompanııasynyń qataryna kiredi. Kompanıaıynyń jer qorynyń kólemi 431 075 gektardy quraıdy. Onyń 327 620 gektary egistik alqapta da, 103 455 gektary jaılymdyq jerler. Kompanııa enshisinde 5 myńnan astam iri qara jáne 1 myń 100 aýyl sharýashylyǵy tehnıkasy bar.
«Aýyl sharýashylyǵy ónerkásibi boıynsha búkil álemde ekonomıkalyq turaqsyzdyq baıqalady. Ásirese, muny Qazaqstannyń soltústik óńirlerinde baıqaýǵa bolady. Sondyqtan, biz aýyl sharýashylyǵy taýarlaryn óndirýde avtomatty basqarý júıesin engizýdi qolǵa aldyq.
2014 jyldan beri «Atameken-Agro» AQ aýyl sharýshylyǵy óndirisin basqarýdy avtomattandyrý boıynsha tehnıkalyq múmkindikti zertteý júrgizip, 2015 jyly jerdi dıstatsııalyq zondtaý jáne eginge spýtnıktik arqyly monıtorıng (kompanıı Geosys) júrgizý júıesin engizdi. Reseı jáne shetel kompanııalarynyń baǵdarlamasyn engizý arqyly pılottyq jobany iske qosty», dep túsindirdi kompanııa ókilderi.
Alaıda, pılottyq joba sheteldiń baǵdarlamalary belgili bir mamandyqtarǵa arnalǵanyn kórsetti. Óndiristegi barlyq protsessterdi baqylaý úshin kompanııa ár túrli baǵdarlamalarǵa júgindi. Nátıjesinde 2016 jyly «Atameken-Agro» AQ qazaqstandyq
«Agrostream» kompanııasymen birlesip aýyl sharýashylyǵy ónerkásibin basqarýdyń birińǵaı birikken júıesin ázirleýdi bastady.
«Biz bul baǵdarlama men onyń fýnktsııalaryn óz kompanııamyzda ázirledik. Qazirgi kezde bizde birneshe modýl bar. Onyń biri, Agroplan josparlaý júıesi. Onda jeke-tehnologııalyq karta qalyptasqan jáne onda barlyq operatsııalar engizilde. Keıin barlyq operatsııalardyń tıimdiligine taldaý júrgiziledi. Ekinshisi Agrofact modýli. Munda spýtnıktik monıtorıng arqyly tehnıkany, júzege asyrylǵan protsessterdi, sondaı-aq, tuqym men hımııa taǵy basqa sharalardy baqylap otyrýǵa bolady.
ıAǵnı, biz onlaın-rejımde ózimizdiń aýyl sharýashylyǵy tehnıkalary, sebilgen daqyldardyń daqyldardyń túrleri men gektaryn baqylap otyra alamyz.
Máselen, Agroplan 140 josparlanǵan dese, biz 150 egilgenin jáne normadan asqanyn baıqamyz. Bul baǵdarlama barlyq kemshilikterdi jumystardy bitkennen keıin emes, onlaın-rejımde baqylap otyrýǵa múmkindik beredi», - óziniń oıymen bólisti kompanııanyń bas agronomy mindetin atqarýshy Konstantın Gýbanov.
Konstantın Gýbanovtyń aıtýynsha, ótken jyly astyqty saqtaý, qaıta óńdeý sapasyn jáne jalpy astyqtyń qozǵalysyn baqylap otyratyn Astyq Balansy modýli iske qosyldy.
«San jáne sapa boıynsha esep júrgiziledi. Arnaıy kartochkany qoldaný arqyly burynǵydaı qaǵazbastylyqtan qutylyp, astyq tolyq kólikti avtomatty túrde ólsheýge bolady. Barlyq málimetter avtomatty engiziledi», - dep tolyqtyrdy K.Gýbanov.
Kompanııa Agromap-tyń taǵy bir modýlin paıdalanýda. Bul agranomǵa esep júrgizýge, alqap týraly málimet, hımııalyq karta, meteorlogııalyq karta, ıaǵnı, egis jumystaryn júrgizý úshin qajetti málimetterdi alatyn mobıldi qosymsha. Sonymen qatar, kompanııanyń bas agronomy mindetin atqarýshy spýtnıkti baqylaýǵa týraly da aıtyp ótti.
«Tehnıkalardy arnaıy qadaǵamen (datchık) jabdyqtaý arqyly barlyq kombaındardyń qozǵalysy men barlyq tetikteriniń jumysyn baqylanyp otyrady. Bul jumys tıimdiligin arttyrýǵa múmkindik beredi», deıdi K.Gýbanov.
Investıtsııa salý jáne daqyl sapasyn jaqsartý arqyly astyq túsimi 500 myń tonnaǵa deıin artty. Bul kórsetkish ótken jylmen salystyrǵanda 100 myń tonna nemese 25 paıyz kóp. Kompanııanyń tabysy 32 paıyzǵa artyp, 20, 9 mıllıard teńgeni qurady.
«Biz úshin árıne, tsıfrlandyrýdyń paıdasy zor. Avtomattandyrýdyń nátıjesinde keıbir máselelerge jedel nazar aýdarý múmkindik alyp otyrmyz. Sońǵy 3 jyl ishinde astyq shyǵymdylyǵy artyp, oń dınamıka baıqalady», - dep qorytyndylady K. Gýbanov.