Chývashta Qazaqstan ádebıeti men mádenıeti ortalyǵy ashyldy
ASTANA. QazAqparat - Chývash Respýblıkasynyń Ulttyq kitaphanasynda Qazaqstan ádebıeti men mádenıeti ortalyǵynyń ashylý rásimi ótti, dep habarlaıdy «QazAqparat» HAA QR Mádenıet jáne sport mınıstrliginiń baspasóz qyzmetine silteme jasap.
Ortalyq QR Ulttyq akademııalyq kitaphanasynyń halyqaralyq jobasy aıasynda ashyldy.
Sharaǵa Chývash Respýblıkasynyń mádenıet, ulttar jáne arhıv isteri jónindegi mınıstriniń orynbasary Elena Chernova, Astana qalasyndaǵy Ulttyq akademııalyq kitaphana dırektorynyń orynbasary Nuralba Teksebaeva, Chývash Respýblıkasynyń shyǵarmashylyq qaýym ókilderi qatysty.
Nuralba Teksebaeva sharada sóz sóılep, QR Syrtqy ister mınıstrligimen birlese otyryp, QR Mádenıet jáne sport mınıstrliginiń qolǵabys jasaýymen 21 Qazaqstan ádebıeti men mádenıeti ortalyǵy ashylǵanyn tilge tıek etti.
«Búgingi sharany ótkizýdegi maqsat - qazaq halqynyń mádenıetin, dástúrlerin, ónerin tanystyrý. Bul ádebıet arqyly Qazaqstannyń ekonomıka, saıasat, áleýmettik salalaryndaǵy jetistikterin dáripteýge tamasha múmkindik beredi», - dedi N. Teksebaeva.
Ol aldaǵy ýaqytta Chývash Respýblıkasynda Qazaqstan halqynyń ulttyq-mádenı birlestigin qurýǵa úmit artatynyn bildirdi.
Aıta keteıik, osyndaı ortalyqtar, Qazaqstannan tys Koreıa, Qyrǵyzstan, Fınlıandııa, Majarstan, Armenııa, Malaızııa, Túrkııa, Grýzııa, Frantsııa, Japonııa, Shvetsııa, Makedonııa, Bolgarııa, Chehııa, Italııa. AQSh, Iran elderinde bar. Reseı aýmaǵynda alǵash ret Saha Respýblıkasynyń (ıAkýtııa) Ulttyq kitaphanasynda ashylǵan bolatyn, al endi onyń qabatyna Chývash Respýblıkasyndaǵy ortalyq kelip qosyldy.
