Chývash Respýblıkasynda «Qazaqstan ádebıeti men mádenıeti ortalyǵy» ashyldy
ASTANA. QazAqparat - Chývash Respýblıkasynyń Ulttyq kitaphanasynda «Qazaqstan ádebıeti men mádenıeti ortalyǵy» jumysyn bastady, dep habarlaıdy QazAqparat tilshisi QR Mádenıet jáne sport mınıstrliginiń baspasóz qyzmetine silteme jasap.
Atalǵan jumys Astana qalasyndaǵy Qazaqstan Respýblıkasy Ulttyq akademııalyq kitaphanasynyń halyqaralyq jobasynyń aıasynda júzege asyrylyp otyr.
Mundaı ortalyq Koreıa, Qyrǵyz Respýblıkasy, Fınlıandııa, Majarstan, Armenııa, Malaızııa, Túrkııa, Qytaı, Grýzııa, Frantsııa, Japonııa, Shvetsııa, Makedonııa, Bolgarııa, Chehııa, Italııa, AQSh, Iran jáne Qazaqstanda jumys isteıdi. Reseıde mundaı ortalyq Saha Respýblıkasynyń Ulttyq kitaphanasynda (ıAkýtııa) da ashylǵan.
Atalǵan is-sharaǵa Chývash Respýblıkasy Mádenıet, ulttyq jáne arhıv isi boıynsha mınıstrdiń orynbasary Elena Chernova, QR Ulttyq akademııalyq kitaphanasy dırektorynyń orynbasary Nurbala Teksebaeva, Cheboksary qalasyndaǵy Reseı SІM bólimshesiniń basshysy Aleksandr Pogodeıkın, Chývashııa Ulttyq kitaphanasynyń dırektory Svetlana Starıkova, respýblıkalyq Dostyq úıiniń dırektory Alekseı Ivanov, «Chývash halqy Assambleıasy» tóraǵasynyń orynbasary Vladımır Vasılev, chývash jazýshysy, aqyn ári dramatýrg Mıhaıl ıÝhma qatysty.
Elena Chernova Qazaqstan Respýblıkasy men Chývash úshin ortalyqtyń ashylýy mańyzdy oqıǵalardyń biri ekenin atap ótti. «Sebebi, eki el de Reseıge óte jaqyn», - dedi mınıstrdiń orynbasary.
Kezdesýge qatysýshylardyń aldynda sóz sóılegen Nurbala Teksebaeva Qazaqstan Respýblıkasy Syrtqy ister mınıstrligi men Qazaqstan Respýblıkasy Mádenıet jáne sport mınıstrliginiń qoldaýymen dál osyndaı 21 ortalyq jumys istep turǵanyna nazar aýdardy.
«Búgingi sharanyń maqsaty - qazaq halqynyń dástúri, mádenıeti, ónerimen tanysý. Bul ádebıet arqyly Qazaqstannyń ekonomıkasy, saıasaty, áleýmettik salasynyń jetistikteri týraly áńgimeleýdiń keremet múmkindigi», - dedi Nurbala Teksebaeva.
Joǵary mártebeli meıman Chývashııada qazaq dıasporasynyń nemese Qazaqstan halyqtarynyń ulttyq-mádenı birlestigin qurý týraly úmitin bildirdi. Sonymen birge, ortalyqtyń ashylý saltanatynda Qazaqstan Respýblıkasynyń Prezıdenti Nursultan Nazarbaevtyń kitabyn tanystyryldy.
Óz kezeginde Aleksandr Pogodıkın Qazaqstandy yntymaqtastyq jolǵa qoıylǵan strategııalyq áriptes memleket ekenin atap ótti. Sondaı-aq, Chývashııa Respýblıkasynyń Ulttyq kitaphanasy men Astana qalasyndaǵy Qazaqstan Respýblıkasy Ulttyq akademııalyq kitaphanasynyń mádenı qarym-qatynastardy jáne kitaphanalyq jáne aqparattyq qyzmet kórsetý salasynda ózara yntymaqtastyqty arttyrý maqsatynda memorandýmǵa qol qoıyldy.
Foto:cheboksary.ru
