«Chýkotka» baryndaǵy tóbeles: Polıtsııa Kýznetsovqa izdeý salmaq
ALMATY. QazAqparat - Almaty polıtsııasy sot arqyly «Chýkotka» bary aldyndaǵy tóbelesti bastaǵan Aleksandr Kýznetsovqa izdeý jarııalamaq, dep habarlaıdy QazAqparat tilshisi.
«Bostandyq aýdandyq № 2 sotyna Bostandyq aýdandyq ІІB-nen Aleksandr Kýznetsovqa izdeý jarııalaý týraly ótinish tústi. Alaıda, búgin, ıaǵnı 8 qazanǵa belgilengen sot otyrysy bolmady. Otyrysqa Bostandyq aýdany ІІB ókilderi kelmedi. Soǵan baılanysty sot 10 qazanǵa aýystyryldy», - dedi Almaty qalalyq sotynyń baspasóz qyzmetinen.
Sonymen qatar, is materıaldarynda A.Kýznetsov tarapynyń orderiniń kóshirmesi bolmaǵan.
2018 jyldyń 4 qazanynda sottalýshyǵa zańdyq quqyqtaryn qorǵaý úshin memlekettik qorǵaýshy bólindi.
Esterińizge sala keteıik, 2015 jyly «Chýkotka» barynyń aldyndaǵy tóbeles kezinde Syrym Muratqalıev kóz jumǵan bolatyn. Sol jyldyń maýsymynda birinshi ınstantsııa soty Kýznetsovty abaısyzda adam óltirip alǵany úshin 1,5 jylǵa bas bostandyǵynan aıyrǵan bolatyn. Keıinirek, Almaty qalalyq sotynyń apellıatsııalyq kollegııasy «Adam densaýlyǵyna qasaqana nuqsan keltirý arqyly adam ólimine ákep soqtyrý» babymen 8 jylǵa bas bostandyǵynan aıyrdy. Kýznetsov jazasyn Almaty túbindegi Zarechnyı aýylyndaǵy túrmede ótep jatqan edi.
2018 jyldyń 2shildesinde Aleksandr Kýznetsov túrmeden bosap shyqty. Sot onyń ótelmegen 5 jylyn aıyppulmen jabý týraly sheshim qabyldady.
Keıin Almaty oblystyq sotynyń apellıatsııalyq kollegııasy adam óltirgeni úshin isti bolǵan Kýznetsovty kolonııaǵa qaıtarý jóninde sheshim shyǵardy.
Sot úkimi shyǵatyn kúni Aleksandr Kýznetsovtyń Qazaqstan aýmaǵynan ketip qalǵany belgili boldy.
