ChL: «Real» men «Bavarııa» alǵashqy bolyp shırek fınalǵa shyqty
ASTANA. QazAqparat - «Real» men «Bavarııa» komandalary alǵashqy bolyp Chempıondar lıgasynyń shırek fınalyna shyqty, dep habarlaıdy QazAqparat.
«Real» qarymta kezdesýde ıtalııalyq «Napolı» komandasyn 3:1 esebimen utty. Esterińizde bolsa 16 aqpan kúni óz alańynda ótken alǵashqy oıynda da koroldik klýb oıynshylary ıtalııalyqtardy dál osyndaı eseppen jeńgen bolatyn.
Sondaı-aq, Mıýnhenniń "Bavarııasy" londondyq "Arsenaldy" Chempıondar lıgasy 1/8 fınalynyń qarymta kezdesýinde tas-talqan etip utty.
Oıyn Londondaǵy "Emıreıts" stadıonynda ótti. Myńdaǵan jankúıerleriniń aldynda «Arsenal» 5:1 esebimen oısyraı jeńildi. Esterińizde bolsa, Býndeslıga chempıony "kanonırlerdi" alǵashqy matchta óz alańynda dál osyndaı eseppen tize búktirgen edi.
Bul búgingi eki matchtaǵy birinshi uqsastyq emes. Shırek fınalǵa shyqqan eki komanda da oıynnyń birinshi taımynda jeńilip jatqan edi. Alaıda, ekinshi kezeńde ekeýi de oıyn órnegin ózgerte bilip, aıqyn jeńiske qol jetkize aldy.
