ChL: «Real» birinshi oıynda «Bavarııadan» basym tústi
ASTANA. QazAqparat - Fýtboldan Chempıondar lıgasynyń shırek fınalyndaǵy «Bavarııa» men «Real» arasyndaǵy birinshi oıynda madrıdtik klýb jeńiske jetti.
Mıýnhende ótken oıynda Ronaldýdyń soqqan eki goly "koroldik klýbqa" jeńis syılady, dep jazady Massaget.kz.
Karlo Anchelottı jattyqtyratyn "Bavarııa" oıyndy joǵary qarqynmen bastady. Alǵashqy mınýttardan-aq shabýylyn údetip, gol soǵýǵa umtyldy.
25 mınýtta buryshtamadan asyrylǵan dopqa birinshi jetken Artýro Vıdal alań ıelerin alǵa shyǵardy. Baspen baǵyttaǵan dobyn Keılor Navas qaıtaryp úlgermedi.
Birinshi taım aıaqtalar tusta "Real" qaqpasyna penaltı belgilendi. Alaıda Artýro Vıdal bul joly 11 metrlik aıyp soqqysyn oryndaýda qatelikke boı aldyrdy.
Ekinshi taımdy "Real" shıraq bastady. 47 mınýtta Krıshıaný Ronaldý Danıel Karvahal asyrǵan dopqa birinshi jetip, esepti teńestirdi. Odan keıingi aralyqta Karım Benzemanyń da gol soǵatyn birneshe múmkindigi boldy.
Al 61 mınýtta Havı Martınes ekinshi sary qaǵazyn alyp alańnan qýylǵannan keıin Bavarııanyń oıyny alǵa baspady. 77 mınýtta Krıshtıaný Ronaldý "Realdyń" oıyndaǵy ekinshi golyn soǵyp, komandasyn alǵa shyǵardy. Odan keıingi ýaqytta tablodaǵy esep ózgerissiz qaldy. Serhıo Ramos sońǵy mınýttarda gol soqqanymen, offsaıdta qalyp qoıdy.
Qos komanda arasyndaǵy qarymta oıyn 19 sáýir kúni "Santıago Bernabeýde" ótedi.
Aıta keteıik, "Realǵa" qarsy oıynda "Bavarııanyń" úzdik surmergenderiniń biri Robert Levandovskıı jaraqatyna baılanysty alańǵa şyqqan joq.
