ChL fınaly: Aqtyq synda «Real» men «ıÝventýs» baq synaıdy
ASTANA. QazAqparat - Madrıdtik «Real» «Atletıkony» jeńip, Chempıondar lıgasynyń fınalyna shyqty.
Alǵashqy oıynda koroldik klýb jerlesterin 3:0 esebimen jeńgen edi. Qarymta kezdesýde 1:2 esebimen jeńildi, alaıda qos oıynnyń qorytyndysy boıynsha olar aqtyq synǵa ótti.
Óz alańynda ótken oıyndy "Atletıko" sátti bastady. 12 mınýtta Saýl Nıges esep ashsa, 16 mınýtta Antýan Grızmann aıyp dobyn ádemi oryndady.
«Real» tek birinshi taımnyń aıaq tusynda ǵana jaýap qaıtara aldy. 42 mınýtta Isko esepti 1:2 qyldy, odan soń bul kórsetkish ózgergen joq.
Esterińizge sala keteıik, ChL-dyń aqtyq synyna alǵash bolyp "ıÝventýs" ótken edi. Bul komanda frantsýzdyq "Monakony" utty (2:0, 2:1).
"Real" men "ıÝventýs" baq synaıtyn fınaldyq oıyn 3 maýsym kúni Kardıfftegi (Ýels) "Mıllenıým" stadıonynda ótedi.
