ChL fınaly: 1-taımda qarsylas eki komanda da negizgi fýtbolshylarynan aıyryldy
ASTANA.QazAqparat - ÝEFA Chempıondar lıgasynyń fınalynda «Real Madrıdke» qarsy oınap jatqan «Lıverpýl» birinshi taımda basty juldyzynan aıyryldy, dep habarlaıdy QazAqparat tilshisi.
Lıverpýldikterdiń fınalda kópshilik úmit artqan basty juldyzy Muhammed Salah dop úshin kúres kezinde jerge qolaısyz jyǵylyp, ıyǵyn jaraqattap aldy. Ókinishke qaraı, oıyndy jalǵastyra almaıtyn bolyp, onyń ornyna bapker ıÝrgen Klopp Adam Lallanany shyǵardy.
Óz kezeginde, kóp keshikpeı, madrıdtikter sapynda da májbúrli ózgeris boldy. Tobyǵynan jaraqat alǵan oń qanattyń negizgi laterali Danıel Karvahal da kóz jasyn tyıa almaı, oıyndy tastap ketti. Onyń ornyna Nacho Fernandes oıynǵa qosyldy.
Al goldar boıynsha birinshi taımda esep ashylmady.
