ChL: «Borýssııa Dortmýnd» óz alańynda PSJ komandasyn jeńdi

ASTANA. KAZINFORM - Fýtboldan UEFA Chempıondar lıgasynyń jartylaı fınalyndaǵy ekinshi oıynda Germanııanyń «Borýssııa Dortmýnd» klýby Frantsııanyń «Parı Sen-Jermen» komandasynan basym tústi.  

Kezdesý barysynda komandalar alǵashqy mınýttan bir-biriniń qaqpasyna gol soǵatyn múmkindikti izdedi. Sol maqsatta qos komanda tarapynan tolassyz shabýyldar uıymdastyrylyp, qyzyqty oıyn órbidi. 

Oıynnyń 36-mınýtynda germanııalyq klýb sapynan Nıklas Fıýllkrýg soqqan jalǵyz gol kezdesý taǵdyryn sheshti. Osylaısha «Borýssııa Dortmýnd» óz alańynda 1:0 esebimen basym tústi. 

Germanııalyq komanda buǵan deıin 1997 jyly Chempıondar lıgasynda top jarsa, «Parı Sen-Jermen» ázirge mundaı joǵary jetistikke qol jetkize alǵan joq.  

Eske salsaq, jartylaı fınaldaǵy taǵy bir oıynda «Bavarııa» men «Real Madrıd» teń túsken bolatyn. 

Jartylaı fınaldyń qarymta oıyndary 7-8 mamyr kúnderine belgilengen. Fınal 1 maýsym kúni Anglııanyń «Ýemblı» stadıonynda ótedi.