ChL: Birinshi kezeńnen keıin «Astana» men «Dınamo» teń oınap jatyr
ASTANA. QazAqparat - Dál qazir fýtboldan Chempıondar lıgasy úshinshi irikteý kezeńiniń qarymta oıynynda elordalyq «Astana» syrt alańda Horvatııanyń Zagreb qalasynyń «Dınamosymen» kezdesýde. Oıynnyń alǵashqy kezeńi 0:0 esebimen teń aıaqtaldy, dep habarlaıdy QazAqparat tilshisi.
Eki komanda arasyndaǵy alǵashqy oıyn Astana qalasynda ótti. Bul oıynda «Dınamo» 2:0 esebimen basym túsken edi. Osynyń nátıjesinde olar jarysty jalǵastyrý múmkindigin arttyra tústi. Óıtkeni, «Astana» pleı-off kezeńine shyǵý úshin kem degende úsh dop aıyrmasymen jeńske jetýi tıis.
Búgingi kezdesýdiń alǵashqy kezeńinde eki komanda tarapynan da shabýyldar óristeı tústi. Degenmen, olardyń eshqaısysy dittegen maqsatyna jete qoıǵan joq.
«Astana» Chempıondar lıgasynyń pleı-off kezeńine shyqqan jaǵdaıda Shveıtsarııanyń «ıAng Boız» klýbymen kezdesedi. Bul oıyndar 22 jáne 29 tamyz kúnderi ótedi. Eger elordalyq klýb atalmysh qarsylasynan jeńilse, Eýropa lıgasynyń pleı-off satysyna joldama alady. Ol oıyndar 23 jáne 30 tamyz kúnderi bolady.
Foto: prosport.kz
